ԵՐԵՎԱՆ, 26 հունիսի — Sputnik. Սավելովյան դատարանի Հաշտարար տեղամասը կդիտարկի մրցարշավորդ Մառա Բաղդասարյանի վարչական գործը հարկադիր աշխատանքներից խուսափելու մասին, հայտնում է ՌԻԱ Նովոստին` հղում անելով դատարանի մամուլի քարտուղար Կոնստանտին Տիմոշենկոյին։
«Բաղդասարյանին տեղափոխում են 353 հաշտարար տեղամաս»,– ասաց նա։
Նախնական տվյալների համաձայն` նրան կդատեն վարչական իրավախախտումների մասին օրենսգրքի «Խուսափում հարկադիր աշխատանքներից» 20.25 հոդվածի չորրորդ մասով։ Այս հոդվածի առավելագույն պատիժը 15 օր ազատազրկումն է։
Մառա Բաղդասարյանը 2016 թվականի մայիսին հայտնի է դարձել որպես Gelandewagen-ով սկանդալային մրցավազքի մասնակից ։ Նրան ձերբակալել են 2016 թվականի նոյեմբերին Մոսկվայի Լենինի անվան պողոտայում։
Ոստիկանության աշխատակիցները վարչական տուգանք են նշանակել սխալ կայանած ավտոմեքենայի համար, սակայն փաստաթղթերը ստուգելու ընթացքում տեսուչները հայտնաբերել են, որ աղջիկը չի վճարել 16 տուգանք։
Ավելի ուշ նա դատապարտվել է ուղղիչ աշխատանքներից խուսափելու համար կեղծ հիվանդության թերթիկ ներկայացնելու պատճառով։
