02:39 13 ապրիլի 2021
Ուղիղ եթեր
  • USD528.10
  • GBP725.35
  • EUR628.49
  • RUB6.83
Ռուսաստան
Ստանալ կարճ հղումը
70 0 0

ՌԴ Կրասնոդարի երկրամասում մահացել է Ծանրամարտի Եվրոպայի կրկնակի չեմպիոն ազգությամբ հայ մարզիկը։

ԵՐԵՎԱՆ, 28 հուլիսի – Sputnik. Ծանրամարտի Եվրոպայի կրկնակի չեմպիոն Սերգեյ Պետրոսյանը մահացել է Կրասնոդարի Գորյաչիի Կլյուչ քաղաքում։

29–ամյա երիտասարդի մահվան մասին լուրը Facebook–ի իր էջում հրապարակել է Գորյաչիի Կլյուչ քաղաքի քաղաքապետ Իվան Ֆեդորովսկին։

«Գորյաչիի Կլյուչը կորցրել է հիանալի մարդու, տաղանդավոր մարզիկի. ջրահեղձ է եղել Սերգեյ Պետրոսյանը։ Նպատակասլաց և տաղանդավոր ծանրորդն իր վառ հետքը թողեց ռուսական սպորտում` մեծ հաղթանակների հասնելով»,–ասվում է հաղորդագրության մեջ։

Տեղական ԶԼՄ–ների հաղորդմամբ` Սերգեյ Պետրոսյանը հուլիսի 20–ին տանից դուրս է եկել և այլևս չի վերադարձել։

Կրասնոդարի շրջանի քննչական կոմիտեի մամուլի ծառայությունը հայտնում է, որ երիտասարդի դին հայտնաբերվել է հուլիսի 24–ին, Գորյաչիի Կլյուչի մերձակա գետում։

Տարվում է դատաբժշկական փորձաքննություն` մահվան հանգամանքները պարզելու համար։

Սերգեյ Պետրոսյանը 62 կգ քաշային կարգում Եվրոպայի չեմպիոն է դարձել 2007 և 2008 թվականներին։

Գլխավոր թեմաներ