ԵՐԵՎԱՆ, 17 սեպտեմբերի — Sputnik. Ռուսաստանի Վորոնեժի մարզի Բորիսոգլեբսկ քաղաքի թռիչքուղու մոտ վթարվել է ուսումնառազմական Յակ-130 ինքնաթիռը: Այս մասին հաղորդում է ՌԻԱ Նովոստին՝ նշելով, որ ինքնաթիռը փորձնական թռիչք էր կատարում:
Ռուսաստանի պաշտպանության նախարարությունից հայտնել են, որ ինքնաթիռի անձնակազմին հաջողվել է վթարից առաջ կործանիչը հեռացնել շենքերով շրջապատված տարածքից:
«Երկու օդաչուն էլ վայրէջք կատարելուց հետո անմիջապես կապ են հաստատել: Նրանց կյանքին ու առողջությանը վտանգ չի սպառնում»,- ասված է ռուսական պաշտպանական գերատեսչության հաղորդագրության մեջ:
Յակ-130 ինքնաթիռի վթարման պատճառներով կզբաղվի ԶՈՒ թռիչքների անվտանգության հարցերով զբաղվող հանձնաժողովը: