ԵՐԵՎԱՆ, 21 սեպտեմբերի — Sputnik. Ռուսաստանի նախագահ Վլադիմիր Պուտինը շնորհավորել է Հայաստանի նախագահ Սերժ Սարգսյանին Անկախության օրվա կապակցությամբ՝ ընդգծելով ԵԱՏՄ-ի շրջանակում ռուս-հայկական արդյունավետ համագործակցությունը: Այս մասին հայտնում է Կրեմլի մամուլի ծառայությունը:
«ՌԴ նախագահը բարձր է գնահատել երկկողմ հարաբերությունների ամբողջ շրջանակի զարգացման արդյունքում ձեռք բերված առաջընթացը, նաև ԵԱՏՄ-ի, ՀԱՊԿ-ի և ԱՊՀ-ի շրջանակում ռուս-հայկական արդյունավետ համագործակցությունը», — ասվում է հաղորդագրության մեջ:
Պուտինը նաև վստահություն է հայտնել, որ Ռուսաստանի և Հայաստանի դաշնակցային հարաբերությունները հետագայում ավելի կամրապնդվեն՝ ի շահ եղբայրական երկու ժողովուրդների հետաքրքրությունների, նաև անդրկովկասյան տարածաշրջանում կայունության և անվտանգության ապահովման գործում։
