ԵՐԵՎԱՆ, 19 հոկտեմբերի — Sputnik. Ռուսաստանի նախագահ Վլադիմիր Պուտինը կարծում է, որ RT հեռուսատաալիքն ու Sputnik գործակալությունը ամեն ինչ անում են «հստակ և անվախ», ու հենց դրանում է նրանց հաջողության գրավականը։
«Փայլուն են աշխատում, իսկապես, տաղանդավոր մարդիկ են: Երբեմն, ես, նույնիսկ, զարմանում եմ նման պատկերավոր արտահայտվելու նրանց համարձակության և տաղանդի վրա, այդքան հստակ և անվախ են: Պարզապես, խոնարհում եմ գլխարկս նրանց առջև: Հենց դա է, հավանաբար, RT–ի և Sputnik գործունեության հաջողության գրավականը»,- ասել է Պուտինը:
«Վալդայի» միջազգային քննարկման ակումբի ամփոփիչ լիագումար նիստի ժամանակ RT–ի գլխավոր խմբագրի Մարգարիտա Սիմոնյանը ՌԴ նախագահի ուշադրությունը հրավիրեց այն ճնշման վրա, որին ենթարկվում է ընկերությունն արտասահմանում, հատկապես ԱՄՆ-ում:
