ԵՐԵՎԱՆ, 2 նոյեմբերի — Sputnik. Դերասան, ռեժիսոր, սեփական թատրոնի գեղարվեստական ղեկավար Արմեն Ջիգարխանյանը պաշտոնական նամակով Մոսկվայի մշակույթի դեպարտամենտ է դիմել՝ խնդրելով պաշտպանել իրեն եւ թատրոնի դերասաններին «խաբեբաներից, որոնք խանգարում են կոլեկտիվի նորմալ աշխատանքը»: Այդ մասին հայտնում է ՌԻԱ Նովոստին։
Ջիգարխանյանի ստորագրությամբ նամակում նշվում է, որ «այն անձինք, որոնք թատրոնը ներկայացնելու իրավունք չունեն, ուրբաթ պատրաստվում են մամուլի ասուլիս տալ եւ սուտ տեղեկություններ տարածել»:
«Մեր թատրոնը վերջերս իր նախկին տնօրենի պատճառով սկանդալի կենտրոնում է հայտնվել:
Չնայած որ թատրոնը գտնվում է Մոսկվայի Մշակույթի դեպարտամենտի հսկողության տակ, թատրոնի ղեկավարի եւ ստեղծողի մասին իրենց կարծիքն են հայտնելու կասկածելի մարդիկ»,- նշվում է նամակում:
