ԵՐԵՎԱՆ, 8 նոյեմբերի — Sputnik. Շատ եմ սիրում հայկական խոհանոցը, Instagram–ի ուղիղ եթերում ասել է շոումեն Գարիկ Մարտիրոսյանի կինը` Ժաննա Լևինան` պատասխանելով բաժանորդներից մեկի հարցին։
«Չեմ կարող հայկական խոհանոցի որևէ ուտեստ առանձնացնել, քանի որ բոլորն եմ շատ սիրում։ Ռեստորանում պատվիրում եմ ամեն ինչ, հերթով», – ասել է նա։
Դիետայի մասին հարցին պատասխանելով` նա խոստովանել է, որ իր օրինակին հետևել չարժե։
«Լավ դիետաներ չեն լինում… Պարզապես պետք է ճիշտ սնվել։ Որոշակի ժամանակ ես դիետա եմ պահում, հետո մտածում, որ կյանքը չափազանց կարճ է, որպեսզի չուտես այն, ինչ սիրում ես և կրկին սկսում եմ ուտել տոլմա, սացիվի և խաչապուրի։ Այնուհետև կրկին դիտեա պահում։ Ես սխալ եմ սնվում, չարժե հետևել իմ օրինակին», – խոստովանել է Ժաննան։
Նա նաև ասել է, որ հաճախ տոլմա է պատրաստում։ Ուղիղ եթերի ընթացքում Ժաննան խոստովանել է` հասկանում է հայերեն։
Պատասխանելով այն հարցին, թե մարդկային որ որակները տանել չի կարողանում, Լևինան ասել է`հիմարությունն ու ագահությունը։
«Տանել չեմ կարողանում նման մարդկանց… Իմ ընկերների մեջ նման մարդիկ չկան, նմանների հետ չեմ շփվում», – ասել է նա։
Ժաննան նաև նշել է, որ ինքն իրավաբան է մասնագիտությամբ, սակայն քիչ է աշխատել իր մասնագիտությամբ։ Նրա խոսքով` ինքը շատ լավ քննիչ կլիներ, որին կաշառելն անհնար կլիներ, նրան կսպանեին դրա համար։
