ԵՐԵՎԱՆ, 1 դեկտեմբերի — Sputnik. Վիտալինա Ցիմբալյուկ–Ռոմանովսկայան ցանկացած պահի կարող է գնալ մեկ այլ «Պետրովիչի» մոտ, իր նախկին կնոջ մասին «Ուղիղ եթեր» հաղորդման եթերում ասել է ԽՍՀՄ ժողովրդական արտիստ Արմեն Ջիգարխանյանը։
Նրա խոսքով` նա շատ բան է տեսել այս կյանքում և ամեն ինչ հասկանում է։
«Երեք շաբաթ անց, երկու օր անց նա կգնա ուրիշ «Պետրովիչի» մոտ։ Ես գիտեմ դա, ես արդեն բավական մեծ եմ, շատ բան եմ տեսել։ Թե ինձանից են հեռացել, թե ես եմ հեռացել։ Ես անցել եմ այդ ամենի միջով… Այդ պատճառով ես այդքան լավ եմ խաղում Մոլյեր», – ասել է արտիստը։
Վիտալինայի խոսքով` նա չի կարող ներել դերասանին, բայց չի հրաժարվում նրան օգնելուց։
«Ինչպես հասկանում եմ` Արմեն Բորիսովիչը փոխել է կտակը, բայց ես այդ մասին ոչինչ չգիտեմ և անկեղծ ասած` ինձ դա չի հետաքրքրում։ Ես կուզեի, որպեսզի մեր պատմությունն արժանի ավարտ ունենար, բայց առայժմ չի ստացվում։ Նա պահանջում է իմ ունեցվածքը վերագրանցել ակցիացներից մեկի ինչ–որ մասնակցի անունով», – նշել է Ցիմբալյուկը։
Նրա խոսքով` նրան զանգահարում են և ասում. «Եթե ուզում եք, որպեսզի մենք ձեզ հանգիստ թողնենք, ապա վերադարձրեք մեր բնակարանները»։ Վիտալինան հավելել է, որ սպառնում է ոչ թե անձամբ Արմեն Բորիսովիչը, այլ` ուրիշ մարդիկ։
«Թող գար և ասեր, որ ես ուզում եմ այստեղ աշխատել։ Ինչպե՞ս մենք կարող ենք դա անել։ Ես չեմ հրաժարվում բնակվել ընդհանուր տարածքում։ Նա կարող է առաջին կամ երկրորդ տեղն ընտրել, բայց ամեն դեպքում նա այնտեղ կարող է ապրել միայն ինձ հետ։ Ընդհանուր առմամբ, ես պատրաստ եմ ընդառաջել Արմեն Բորիսովիչին», – հավելել է նախկին կինը։
Վիտալինայի կարծիքով` հենց նա է վերջին տարիներին բարելավել Ջիգարխանյանի անվան թատրոնի ֆինանսական դրությունը։
Նոյեմբերի 27–ին ԽՍՀՄ ժողովրդական արտիստ Արմեն Ջիգարխանյանը և Վիտալինա Ցիմբալյուկ–Ռոմանովսկայան պաշտոնապես ամուսնալուծվել են։
Դատարանի որոշումն ուժի մեջ կմտնի վճիռը կայացնելուց հետո մեկ ամիս անց, այսինքն` դեկտեմբերի 27–ին։
