10:11 14 դեկտեմբերի 2017
Ուղիղ եթեր
Russia Today-ի 10-ամյակին նվիրված ցուցադրության ժամանակ

Սիմոնյանը բացահայտել է Պուտինի ու ԱՄՆ նախագահի նախկին խորհրդականի հանդիպման մանրամասները

© Sputnik/ Михаил Климентьев
Ռուսաստան
Ստանալ կարճ հղումը
81 0 0

RT–ի գլխավոր խմբագիր Մարգարիտա Սիմոնյանը պատմել է ԱՄՆ նախագահ Դոնալդ Թրամփի ազգային անվտանգության գծով նախկին խորհրդականի և Ռուսաստանի նախագահի հանդիպման մասին։

ԵՐԵՎԱՆ, 2 դեկտեմբերի — Sputnik. Sputnik-ի և RT-ի գլխավոր խմբագիր Մարգարիտա Սիմոնյանը պատմել է, թե ինչպես է անցել ԱՄՆ նախագահ Դոնալդ Թրամփի ազգային անվտանգության գծով նախկին խորհրդական Մայքլ Ֆլինի և Ռուսաստանի նախագահ Վլադիմիր Պուտինի հանդիպումը։

«Մայքլ Ֆլինը ներկա էր մեր տասնամյակին։ Նստել էր Պուտինի կողքը։ Ես էլ նրա կողքն էի նստել։ Ոչինչ չխոսեց Պուտինի հետ։ Մենք ծրագիր էինք պատրաստել. բարձր ձայնով տեսանյութեր էին ցուցադրվում, խոսել չէինք կարող։ Ավելին` Պուտինն ընդհանրապես չգիտեր` ով է նա։ Սեղանին մոտենալիս ես ասացի. —Ձեր կողքը Էմիր Կուստուրիցան ու Մայքլ Ֆլինն են նստելու` ԱՄՆ ռազմական հետախուզության նախկին ղեկավարը։ — Ռազմական հետախուզությա՞ն, իսկապե՞ս,- զարմացավ Պուտինը»,- Telegram-ի իր էջում գրել է Սիմոնյանը։

Նա պատմել է նաև, որ Պուտինը բոլորին ձեռքով է բարևել, ինչպես անում է միշտ, դիտել ծրագիրը, ելույթ ունեցել ու հեռացել։ Ահա և ամբողջ պատմությունը։ Սիմոնյանը նաև հրապարակել է տոնական սեղանի մոտ նստած Պուտինի ու Ֆլինի լուսանկարը, որն արվել է Russia Today-ի 10-ամյակին նվիրված միջոցառման ժամանակ։

Երեկ` դեկտեմբերի 1-ին, Ֆլինին մեղադրել էին Ռուսաստանի պաշտոնական դեմքերի հետ հանդիպումների մասին սուտ ցուցմունք տալու մեջ։ Նա խոստովանել է իր մեղքը։ Թրամփի նախկին խորհրդականին սպառնում է կես տարվա ազատազրկում կամ մինչև 9,5 հազար դոլար տուգանք։

Գլխավոր թեմաներ