Հայկական կրքեր ՏՆՏ–ում. Արթուր Ջանիբեկյանն իր ձեռքն է վերցրել հայուհու նախագիծը

ԵՐԵՎԱՆ, 27 դեկտեմբերի — Sputnik. Ռուսական «Պառնաս Մեդիա» ընկերությունը, որը պատկանում է «Գազպրոմ Մեդիա» հոլդինգին, դարձել է Comedy Club Production-ի միակ տերը, հաղորդում են ռուսական ԶԼՄ-ները։

Լինելով ՏՆՏ ալիքի կոնտենտի հիմնական մատակարարը (այդ թվում` Comedy Club, Comedy Woman, «Տանցի», «Ինտերնի» և այլն)` ստուդիան Ռուսաստանում հեռուստատեսության համար ամենաթանկ կոնտենտ արտադրողն է։

Երկու տարի առաջ ստուդիան 16.7 միլիարդ ռուբլի է գնահատվել։

Մինչ այդ «Գազպրոմ Մեդիային» է պատկանել Comedy Club Production-ի 74.99 տոկոսը, մնացածը պատկանել է TCT Production Ltd-ին։ Հոլդինգը ստուդիայի հիմնական տերն է դարձել դեռ 2011թ-ի դեկտեմբերին։

Ավելացնենք, որ Comedy Woman-ի հիմնադիրը և հեղինակը դերասանուհի, պրոդյուսեր, վրացահայ Նատալյա Եպրիկյանն է։

Ավելի վաղ մեդիամագնատ և ՏՆՏ-ի գլխավոր տնօրեն Արթուր Ջանիբեկյանը հայտնել էր, որ հեռուստաալիքը կհրաժարվի արտասահմանյան ֆիլմերից և նոյեմբերի 20-ից լիովին կանցնի ռուսական կոնտենտի։