14:24 19 հոկտեմբերի 2018
Ուղիղ եթեր
  • USD483.48
  • GBP634.62
  • EUR557.16
  • RUB7.38
Ատրճանակ

Վրեժ բռնաբարողների՞ց, թե «թայֆայական» կռիվ. Կրասնոդարում երկու հայի են սպանել. ԶԼՄ

Пресс-служба ГУ МВД РФ
Ռուսաստան
Ստանալ կարճ հղումը
243101

Վարկածներից մեկի համաձայն՝ եռակի սպանությունը վրեժ է դստեր խմբակային բռնաբարության համար, բայց դա միակ վարկածը չէ։

ԵՐԵՎԱՆ, 31 դեկտեմբերի — Sputnik. Սոցիալական ցանցերում և Կուբանի ԶԼՄ-ներում մանրամասներ են հայտնվել Կրասնոդարի երկրամասի սրճարաններից մեկում երեք մարդու սպանության մասին․ չհաստատված տեղեկատվության համաձայն՝ սպանվել են երկու հայ և մեկ գնչու։ Ցանցում, հղում անելով ականատեսներին, տեղի ունեցածի պատճառների մասին շրջանառվում է երկու տարբերակ:

Վարկածներից մեկի համաձայն՝ սպանությունը, որը տեղի է ունեցել նախօրեին՝ մի կողմից կազակների, մյուս կողմից հայ-գնչուական տանդեմի միջև տեղի ունեցած վեճի հետևանք է․ վիճաբանության արդյունքում հայերը և գնչուները հաղթանակ են տարել, իսկ կազակները որոշել են վրեժ լուծել․նրանք ուշ գիշերով ներխուժել են սրճարան և կրակ արձակել։

Երկրորդ վարկածը․հայրը վրեժ է լուծել դստեր խմբակային բռնաբարության համար, սպանվածներն աղջկան բռնաբարողներն են։

Նշվում են երկու սպանվածների անունները․ չհաստատված տեղեկատվության համաձայն, հրաձիգի առաջին զոհը դարձել է 17-ամյա Արտյոմ Միրզոյանը, երկրորդը՝ դիջեյ Ռոման Սիրականյանը։ Երրորդ զոհին հարձակվողները սպանել են սրճարանից դուրս․ դուրս գալով հաստատությունից՝ նրանք մեքենայի սրահում կրակել են երիտասարդ գնչուին։

Վերջին անգամ Արտյոմ Միրզոյանը մտել է Վկոնտակտե սոցիալական ցանց դեկտեմբերի 30-ին ժամը 17։05-ին, Սիրականյանն օնլայն է եղել դեկտեմբերի 31-ին գիշերը 2։30-ին։

Տեղեկատվություն կա հրաձգության արդյունքում ևս մեկ տուժածի՝ ծանր վիրավոր երիտասարդի մասին, որին տեղափոխել են վերականգնողական բաժանմունք։ Անունը չի նշվում։

 

Գլխավոր թեմաներ