06:40 21 օգոստոսի 2018
Ուղիղ եթեր
  • USD483.10
  • GBP615.42
  • EUR551.12
  • RUB7.20
Ան–148 օդանավի կործանման վայրը

Մահից առաջ ում էր այցելել Վարսենիկ Սևոյանը` Մոսկվա–Օրսկ չարաբաստիկ չվերթի ուղևորուհին

© Sputnik / Максим Блинов
Ռուսաստան
Ստանալ կարճ հղումը
1957 0 0

Մերձմոսկովյան շրջանում տեղի ունեցած սարսափելի ողբերգությունից առաջ Վարսենիկ Սևոյանը մոտ մեկ ամիս Կրասնոդարում է եղել` 24–ամյա որդու մոտ, որի հետ էլ մեկնել էր Սանկտ Պետերբուրգ։

ԵՐԵՎԱՆ, 12 փետրվարի — Sputnik. Հայտնի են դարձել որոշ մանրամասներ Մերձմոսկովյան շրջանում Ան–148 օդանավի աղետի հետևանքով զոհված Վարսենիկ Սևոյանի մահվան վերաբերյալ։

«Սարատովյան ավիաուղիներ» ընկերության օդանավը, որը Մոսկվայից մեկնում էր Օրսկ, փետրվարի 11–ին վայր է ընկել Մերձմոսկովյան Ռամենսկի շրջանի Ստեպանովսկոե գյուղի տարածքում։

Ինչպես Sputnik Արմենիային պատմեցին Սևոյանի` Օրսկում բնակվող հարևանները, նա այդ օրն օդանավով Սանկտ Պետերբուրգից վերադառնում էր Օրսկ։  Պետերբուրգում կինը հյուրընկալվել էր 22–ամյա դստեր մոտ։ Իսկ մինչև այդ էլ մոտ  մեկ ամիս Կրասնոդարումում էր` որդու մոտ, որի հետ էլ մեկնել է Սանկտ Պետերբուրգ։

Մեր զրուցակցի խոսքով` Սևոյանը և նրա որդին` Արամը, գրեթե միաժամանակ են մեկնել Մոսկվայից` մայրը մեկնել է Օրսկ, որդին` Կրասնոդար։ Կնոջ ամուսինը` Հունան Մարտոյանը, այդ ժամանակ նրան սպասում էր Օրսկում։ Մեզ չհաջողվեց կապվել զոհվածի ամուսնու հետ, նրա հեռախոսը հասկանալի պատճառներով անջատված էր։

Վարսենիկ Սևոյանը ծնունդով Հայաստանի Վարդենիկ գյուղից էր։

Հիշեցնենք, որ փետրվարի 11-ին Մոսկվայի ժամանակով 14։21–ին «Դոմոդեդովո» օդանավակայանից դուրս գալուց 7 րոպե անց Ան-148 ինքնաթիռը, որը թռնում էր դեպի Օրսկ, կորել էր ռադարների տեսադաշտից։ Քիչ անց պարզ էր դարձել, որ օդանավը վայր է ընկել։

Օդանավում 71 մարդ է եղել, որից 65-ը`ուղևոր։ Բոլորը մահացել են։ Նրանց մեջ 2 հայ է եղել։

Ռուսաստանի քննչական կոմիտեն քրեական գործ է հարուցել «Օդանավի շահագործման կանոնները խախտելու հետևանքով երկու կամ ավելի անձանց մահ պատճառելու» հոդվածով։

Գլխավոր թեմաներ