01:16 22 ապրիլի 2018
Ուղիղ եթեր
Դումա

Մոսկվան ապացույցներ ունի, որ Դումայում քիմիական գրոհը բեմադրված է եղել. Լավրով

© AFP 2018 / Youssef KARWASHAN
Ռուսաստան
Ստանալ կարճ հղումը
136 0 0

Ռուսաստանի արտգործնախարարն ասել է, որ Մոսկվայի ապացույցներն անհերքելի են։

ԵՐԵՎԱՆ, 13 ապրիլի — Sputnik. Մոսկվան ապացույցներ ունի, որ Սիրիայի Դումա քաղաքում իրականացված ենթադրյալ քիմիական գրոհը բեմադրություն է, որին մասնակցել են արտասահմանյան հատուկ ծառայությունները։ Ռուսաստանի Դաշնության արտգործնախարար Սերգեյ Լավրովն այս մասին հայտարարել է Մոսկվայում կայացած ասուլիսի ժամանակ։

«Մենք անհերքելի ապացույցներ ունենք, որ սա հերթական բեմադրությունն էր, և դրան մասնակցել են այն պետության հատուկ ծառայությունները, որը հիմա փորձում է ռուսատյաց արշավի առաջին շարքում հայտնվել»,- ասել է Լավրովը։

Նա հիշեցրել է, որ վաղն առավոտյան Դամասկոս կմեկնեն Քիմիական զենքի արգելման կազմակերպության փորձագետները։ Արտգործնախարարը հույս է հայտնել, որ փորձագետներն անհապաղ կմեկնեն Դումա։

Նշենք, որ ավելի վաղ Արևմուտքը Դամասկոսին մեղադրել էր սիրիական Դումա քաղաքում քիմիական հարձակում իրականացնելու համար։ Մոսկվան հերքել էր սիրիական զինվորականներին վերագրած մեղադրանքը։ ԱՄՆ-ն խոստացել էր մտածել սիրիական Դումայում իրականացված քիմիական հարձակմանը պատասխան հարված հասցնելու մասին։

ՄԱԿ-ում Ռուսաստանի մշտական ներկայացուցիչ Վասիլի Նեբենզյան իր հերթին կոչ էր արել ԱՄՆ-ին ռազմական արկածախնդրության չգնալ Սիրիայում։


Ըստ թեմայի

Զախարովան պատասխանել է Թրամփին. խելացի հրթիռները պետք է թռչեն ահաբեկիչների ուղղությամբ
Թրամփը խոստացել է հրթիռային հարված հասցնել Սիրիային. «Նրանք հաճելի են, նոր և «խելացի»»
Ինչի՞ կարող է հանգեցնել ԱՄՆ–ի և Ռուսաստանի առճակատումը

Գլխավոր թեմաներ