07:28 15 օգոստոսի 2018
Ուղիղ եթեր
  • USD483.03
  • GBP617.31
  • EUR550.85
  • RUB7.23
Նիկոլ Փաշինյան

Նիկոլ Փաշինյանը տիկնոջ հետ այցելեց Հայ առաքելական եկեղեցու վանական համալիր. տեսանյութ

© Sputnik / Сергей Гунеев
Ռուսաստան
Ստանալ կարճ հղումը
ՀՀ վարչապետ Նիկոլ Փաշինյան (397)
170 0 0

ՀՀ վարչապետը մոսկովյան այց շրջանակում այցելեց հայկական եկեղեցի, ապա Գրիգոր Նարեկացու անվան վարժարան։

ԵՐԵՎԱՆ, 14 հունիսի — Sputnik. ՀՀ վարչապետ Նիկոլ Փաշինյանը Ռուսաստան կատարած աշխատանքային այցի շրջանակում հունիսի 14-ի առավոտյան եղավ Մոսկվայի Հայ առաքելական եկեղեցու վանական համալիրում:

Նրան դիմավորեց Հայ առաքելական եկեղեցու Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանը: Վերջինիս ուղեկցությամբ Նիկոլ Փաշինյանն այցելեց Սուրբ Պայծառակերպության մայր տաճար, որտեղ կատարվեց մոմավառություն:

Եզրաս Սրբազանի առաջնորդությամբ հոգևոր դասն աղոթք հնչեցրեց աշխարհի խաղաղության, Հայաստանի բարօրության համար: ՀՀ վարչապետը նաև շրջայց կատարեց Տապան թանգարանում, որտեղ ներկայացված էին հայկական մշակույթին վերաբերող, հայկական եկեղեցուն պատկանող ցուցանմուշներ:

Փաշինյանն այցելեց նաև Սուրբ Գրիգոր Նարեկացու անվան վարժարան, որն իր գործունեությունը կսկսի սեպտեմբերից:

Հունիսի 13-ին մեկնարկած երկօրյա աշխատանքային այցի շրջանակում Նիկոլ Փաշինյանն արդեն մի շարք հանդիպումներ է ունեցել: Մասնավորապես, նա Կրեմլի պալատում հանդիպել է Ռուսաստանի նախագահ Վլադիմիր Պուտինի հետ, տիկնոջ՝ Աննա Հակոբյանի հետ ներկա է գտնվել ֆուտբոլի Աշխարհի առաջնությանը նվիրված գալա-համերգին:

Հունիսի 14-ին ՀՀ վարչապետը «Լուժնիկի» մարզադաշտում ներկա կգտնվի ֆուտբոլի Աշխարհի առաջնության բացման հանդիսավոր արարողությանն ու առաջնության առաջին խաղին:

թեմա:
ՀՀ վարչապետ Նիկոլ Փաշինյան (397)

Գլխավոր թեմաներ