13:35 22 հունիսի 2018
Ուղիղ եթեր
  • USD482.20
  • GBP632.02
  • EUR555.40
  • RUB7.55
С-400 Триумф զենիթահրթիռային համալիր

Ռուսաստանը Թուրքիային չի փոխանցի С-500–ի «վերահսկիչ փաթեթը». փորձագետ

© Sputnik / Алексей Даничев
Ռուսաստան
Ստանալ կարճ հղումը
17601

Անկարայի հետ ռուսական С-500 ԶՀՀ–ի համատեղ արտադրությունը հնարավոր է, սակայն հիմնական տեխնոլոգիաները Մոսկվան կթողնի իր տնօրինությանը։

ԵՐԵՎԱՆ, 14 հունիսի — Sputnik. С-500 ԶՀՀ–ի արտադրության կարևորագույն տեխնոլոգիաները, եթե Ռուսաստանը նույնիսկ համաձայնվի էլ համատեղ արտադրել, Թուրքիային չեն փոխանցվի,  Sputnik Արմենիայի հետ զրույցում ասաց ռազմական վերլուծաբան Ալեքսանդր Խրոլենկոն։

Ավելի վաղ Թուրքիայի նախագահ Ռեջեփ Թայիփ Էրդողանը հայտնել էր, որ Անկարան Ռուսաստանին առաջարկել է С-500 զենիթահրթիռային համալիրների համատեղ արտադրություն սկսել։

Թուրքիայի հետ համատեղ արտադրության հնարավորությունն ինքնին բավական իրատեսական է։ Բարձր տեխնոլոգիական սպառազինության արտադրման գծով փոխգործակցության նմանատիպ տարբերակները ավիատեխնիկայի ոլորտում արդեն մշակվել են Չինաստանի հետ, իսկ հրթիռային սպառազինության` Հնդկաստանի հետ։

Նման համագործակցություն չէր լինի առանց շահի, կամ` եթե դա վնասեր Ռուսաստանին։ Նման որոշումներ կայացնելու ժամանակ մի շարք գործոններ են հաշվի առնվում, այդ թվում` աշխարհաքաղաքական դաշնակիցների շահերը, տեխնոլոգիական նրբություններ։

«Կարելի է համեմատել բաժնետոմսերի վերահսկիչ փաթեթի հետ։ Օրինակ, բաժնետեր կարող են լինել մի քանի սեփականատեր, սակայն ամեն ինչ որոշում է նա, ով տիրապետում է բաժնետոմսերի 51%–ին։ Ճիշտ նույնկերպ տեխնոլոգիաների ոլորտում։ Հիմնական տեխնոլոգիաները չեն փոխանցվում ամբողջ ծավալով։ Դա է հենց վերահսկիչ փաթեթը», – ասաց Խրոլենկոն։

Նրա խոսքով` С-500 ԶՀՀ արտադրության ոլորտում ամեն ինչ այդպես է լինելու։ Ռուսաստանի և նրա դաշնակիցների համար ամեն ինչ անվտանգ է լինելու։

Ինչ վերաբերում է Թուրքիային, ապա համատեղ արտադրությունը այդ երկրի համար էժանացնում է համալիրների արժեքը։

ԶՀՀ–ն դեռ փորձարկման փուլում է, Ռուսաստանում սերիական արտադրություն չկա։ Որոշակի ժամանակ կպահանջվի Էրդողանի առաջարկը «մարսելու» համար։

Հիշեցնենք, որ անցած տարվա դեկտեմբերին Անկարայում Ռուսաստանի և Թուրքիայի ներկայացուցիչները ստորագրել են վարկային համաձայնագիր С-400 առաքելու վերաբերյալ։ Թուրքիայի պաշտպանական արդյունաբերության քարտուղարության հայտարարության համաձայն, Անկարան գնում է այդ համալիրի երկու մարտկոցներ, որոնք կսպասարկի թուրքական անձնակազմը։

Պայմանագրի արժեքը գնահատվում է 2,5 մլրդ դոլար։ Թուրքիան առաջին զենիթահրթիռային համալիրները կստանա 2019 թ-ի հուլիսին։

թեգերը:
Ռեջեփ Թայիփ Էրդողան, Թուրքիա, Ռուսաստան

Գլխավոր թեմաներ