ԵՐԵՎԱՆ, 15 սեպտեմբերի — Sputnik. «Նաշա Ռաշա» սիթքոմից հեռուստադիտողին հայտնի լռակյաց Ջումշուտի դերը մարմնավորող Վալերի Մագդյաշը փողոցում է հայտնվել առանց գրպանում մի կոպեկ ունենալու։ Այս մասին հայտնում է Дни.Ру պարբերականը։
«Մոսկվայում լավ էի ապրում, մեկ սենյականոց բնակարան ունեի։ Ստացա լռակյաց Ջումշուտի դերը, որը մեծ շրջադարձ էր, այն լցրեց կայնքս։ Շատ գոհ էի։ Մեկ նկարահանման օրվա համար 1000 դոլար էի ստանում», – պատմում է Մագդյաշը։
Մեկ տարի աշխատելուց հետո, նա հավաքեց կուտակած գումարը, վաճառեց բնակարանն ու որոշեց ներդնել բիզնեսի մեջ՝ հետագայում երկու սենյականոց բնակարան գնելու համար։ Սակայն ամեն ինչ մեկ ակնթարթում փոխվեց. աստղի վրա հարձակում գործեցին անհայտ անձինք։ Նրան երկաթե ձողով գլխին հարվածեցին, գողացան միլիոններով և փաստաթղթերով պայուսակը։
Հիվանդանոցից դուրս գրվելուց հետո Մագդյաշը ստիպված էր թափառել փողոցներով։ Նա անօթևան դարձավ։
«Կայարանում գիշերը մոտենում էին անվտանգության աշխատակիցները, ոստիկանները, բուտերբրոդ էին բերում, տաք թեյ», – պատմում է դերասանը։
Ավելի ուշ նրան օգնեց Տատյանան, որը Մինվոդի էր ժամանել մի քանի օրով։ Աղջիկը տեսել էր նրան նստարանին քնած։ Արդյունքում նրան ապաստան էր տվել իր մոտ Անապայում։
Ի նշան երախտագիտության Վալերին փրկչի տունը վերանորոգեց։ Հատկանշական է, որ Մագդյաշը ոչ ոքի իր դժբախտության մասին չէր պատմել, նա սովոր էր ինքն իր վրա հույս դնել։
«Նաշա Russia»–ն Comedy Club Production–ի արտադրության հումորային հեռուստանախագիծ է։ Հեռուստահաղորդումը ՏՆՏ հեռուստաալիքով հեռարձակվում էր 2006-2011 թվականներին։ Գլխավոր դերակատարներն էին Միխայիլ Գալուստյանն ու Վալերի Մագդյաշը։ Նրանք հիշվել են շատերին Կոնտրոնական Ասիայից երկու աշխատանքային միգրանտների դերը մարմնավորելով։ Ռավշանն ու Ջամշուտը նարնջագույն շինարարական կոմբինեզոններով մի շարք սխալներ էին անում վերանորոգման ժամանակ, ինչով էլ առաջացնում էին հանդիսատեսի ծիծաղը։ Ժամանակի ընթացքում նրանց անունները դարձան ընդհանրական և սկսեցին բնութագրել նմանատիպ երևույթները։
