00:01 21 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Արամ Պետրոսյան

Մոսկվայում պատանդներ վերցրած Արամ Պետրոսյանը հացադուլ է հայտարարել բանտում

Антон Денисов
Ռուսաստան
Ստանալ կարճ հղումը
127 0 0

Երկու տարի առաջ Մոսկվայի բանկերից մեկում պատանդներ վերցրած Արամ Պետրոսյանն ուզում է «կարմիր» գոտի տեղափոխվել։

ԵՐԵՎԱՆ, 19 նոյեմբերի – Sputnik. Մոսկվայի կենտրոնում 2016թ.-ին բանկի մասնաճյուղ գրաված ու պատանդներ վերցրած Արամ Պետրոսյանը հացադուլ է հայտարարել Պենզայի մարզի գաղութում: Նա պահանջել է իրեն որպես Ներքին գործերի նախարարության նախկին աշխատակից տեղափոխել գաղութի «կարմիր» գոտի։ Այս մասին հայտնում է 360tv.ru-ն՝ նշելով, որ կալանավորներն իմացել են նրա «ոստիկանական անցյալի» մասին և սկսել են ծաղրել նրան: Կայքին այս մասին պատմել է Պետրոսյանի փաստաբան Ստանիսլավ Մալցևը:

«Վերջին անգամ նա կապի է դուրս եկել անցած երկուշաբթի: Ասաց, որ հացադուլ է հայտարարելու: Դրա համար մի քանի պատճառ կա»,- նշել է փաստաբանը:

Պետրոսյանն ասել է, որ ինքը` որպես ՀՀ Ներքին գործերի նախարարության նախկին սպա, պետք է պատիժը կրի «կարմիր» գոտում, ոչ թե «սև»: Պաշտպանի խոսքով` այն մարդիկ, որոնց հետ նստած է գործարարը, որոշակի ազդեցություն են գործում վերջինի վրա։

Ի դեպ, Պետրոսյանի թիմը հայց է ներկայացրել ռուսական РЕН ТВ հեռուստաընկերության դեմ, որի հաղորդումներից մեկի ժամանակ խեղաթյուրել են Պետրոսյանի դատավճռի էությունը: Պաշտպանները պահանջել են հերքել այդ տեղեկությունը։

«Բացի «նստածներից», նրա վրա սկսել են ճնշում գործադրել նաև գաղութի աշխատակիցները, որպեսզի Պետրոսյանը հրաժարվի այս աղմուկից»,– ասել է փաստաբանը։

Մալցևն ավելացրել է, որ այս պահին Պետրոսյանը ոչ թե սովորական բանտախցում է, այլ անվտանգ պահման խցում։

Արամ Պետրոսյանը 2016 թվականի օգոստոսի 24-ին չորս պատանդ էր վերցրել Մոսկվայի կենտրոնում գտնվող «Սիթիբանկի» բաժանմունքում` սպառնալով պայթեցնել այն, սակայն հետագայում բաց էր թողել բոլոր պատանդներին և հանձնվել իրավապահներին: Առարկան, որը նա որպես ռումբ էր ներկայացրել, պարզվել էր, որ աղով լի տոպրակ է եղել:

Հարցաքննության ընթացքում Պետրոսյանն ասել էր, որ իր քայլով ցանկացել է ուշադրություն հրավիրել սնանկացումների խնդրին:

Նա դատապարտվել էր 12 տարվա ազատազրկման:

Ըստ թեմայի

Արամ Պետրոսյանը դադարեցրել է հացադուլը
«Սիթիբանկի» բաժանմունքը գրաված Արամ Պետրոսյանին մեղսունակ են ճանաչել

Գլխավոր թեմաներ