05:35 15 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Սուպերմարկետ

«Թուրքական լոլիկները Հայաստանի ու Բելառուսի միջոցով էին Ռուսաստան հասնում». փոխնախարար

© Sputnik / Laura Sarkisian
Ռուսաստան
Ստանալ կարճ հղումը
157 0 0

Ռուսաստանի գյուղատնտեսության առաջին փոխնախարար Ջամբուլաթ Խատուովը խոստովանել է, որ Մոսկվայում վաղուց գիտեին «հայկական» ու «բելառուսական» լոլիկների ծագման մասին։

ԵՐԵՎԱՆ, 5 դեկտեմբերի — Sputnik. Ռուսական առևտրի ցանցերը գնում են թուրքական բանջարեղեն, որը շուկա է գալիս Հայաստանից և Բելառուսից։ Այս մասին ՌԻԱ Նովոստիին ասել է Ռուսաստանի գյուղատնտեսության առաջին փոխնախարար Ջամբուլաթ Խատուովը։

«Երբ մենք Թուրքիայի հետ պատժամիջոցների ռեժիմում էինք, գիտեինք, որ զարտուղի ճանապարհներով թուրքական մթերքը Հայաստանի ու Բելառուսի միջոցով ռուսական շուկա էր հասնում։ Փաստացիորեն, մենք ստանում էինք մթերքի այն ծավալը, որը հիմա կա», – ասել է Խատուովը «Ռուսաստանի ջերմոցային համալիրներ» ֆորումի ժամանակ։

Երբ սահմանափակումները չկան, Թուրքիայի ընդհանուր քվոտան տարեկան 50 հազար տոննա է կազմում, սակայն երկիրը դեռ չի ընտրել այդ ծավալի ներկրում։ Բայց Խատուովը նաև ավելացրել է, որ ռուսաստանցի սպառողը միշտ պետք է ընտրություն ունենա, թեև նախարարությունը վստահ է, որ հայրենական մթերքը կարող է մրցել ներմուծվածի հետ։

Հիշեցնենք` Թուրքիայից մատակարարվող ապրանքի վրա էմբարգո է դրվել ի պատասխան թուրքական ՌՕՈՒ–ի Սու–24–ից հարվածի, որը հասցվել էր Սիրիայում 2015 թվականի նոյեմբերի 24–ին։ 2016 թվականի աշնանից սահմանափակումները սկսել են հանել, սակայն լոլիկի մատակարարման արգելքը պահպանվել է մինչ 2017 թվականի նոյեմբերը։ Դրանից հետո 50 հազար տոննայի չափով ընդհանուր քվոտա է սահմանվել։

Ըստ թեմայի

Մարգարյան. «Հայաստանից արտահանվող լոլիկի ծավալներն աճել են»
Ռուսաստանի ահազանգից հետո Հայաստանը խստացնում է լոլիկի արտահանման հսկողությունը
Նիկոյան. «Հայաստանից Ռուսաստան լոլիկի արտահանումը քաղաքականության հետ ոչ մի կապ չունի»
թեգերը:
Ռուսաստան, Հայաստան

Գլխավոր թեմաներ