05:34 15 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Վլադիմիր Պուտին

Նավթի և գազի միասնական շուկան 9 միլիարդ դոլար կավելացնի ԵԱՏՄ երկրների ՀՆԱ–ին. Պուտին

© Ruptly .
Ռուսաստան
Ստանալ կարճ հղումը
105 0 0

Պուտինն առաջարկում է օգտագործելով ժամանակակից ֆինանսական տեխնոլոգիաները ԵԱՏՄ–ում մշակել ընդհանուր հաշվարկային ենթակառուցվածք ստեղծելու հարցը։

ԵՐԵՎԱՆ, 6 դեկտեմբերի — Sputnik. Եվրասիական տնտեսական միության շրջանակներում նավթի և գազի միասնական շուկայի ստեղծումը տարեկան 9 միլիարդ դոլար կավելացնի ԵԱՏՄ երկրների ՀՆԱ–ին։ Այս մասին ասել է Ռուսաստանի նախագահ Վլադիմիր Պուտինը` ելույթ ունենալով բարձրագույն Եվրասիական տնտեսական խորհրդի նիստում։

Կազմակերպության անդամ երկրները Սանկտ Պետերբուրգում ամփոփում են միության աշխատանքի արդյունքները Ռուսաստանի նախագահության տարում։ Օրակարգում եվրասիական ինտեգրացման հետագա խորացման քննարկումն է, այդ թվում` այնպիսի ոլորտներում, ինչպիսիք են առևտուրը, էներգետիկան, թվային տնտեսությունը։ Ծրագրվում է քննարկել նաև կազմակերպության գործունեության ընթացիկ և կազմակերպչական հարցերը։

Պուտինի խոսքով` երկրների միջև համագործակցությունը զարգանում է դինամիկ և արդյունավետ։ Այս տարի ԵԱՏՄ երկրների ընդհանուր ՀՆԱ–ն կավելանա 2 տոկոսով։ Կազմակերպությունը բարելավել է դիրքերը միջազգային վարկանիշներում։

«Նիստի համար նախապատրաստվել են որոշումների նախագծեր նավթի, գազի ընդհանուր շուկա ստեղծելու մասին։ Դա տարեկան 9 միլիարդ դոլարով կավելացնի ՀՆԱ–ն», – հավելել է ՌԴ նախագահը։ Նրա խոսքով` այդ խնդիրը վերջնականապես կլուծվի մինչև 2025թ.–ը։ Պուտինը նշել է, որ գազի սակագնի ամբողջական միասնականացման համար ժամանակ է պետք։

Նա նշել է, որ ինտենսիվորեն զարգանում է արտադրական կոոպերացիան, համագործակցությունը մետաղագործության, արդյունաբերության ոլորտներում։ Կայուն կերպով աճում է նաև նորարարական ապրանքների արտահանումը։

Ռուսաստանի ղեկավարն առաջարկել է նաև մշակել ԵԱՏՄ–ում ընդհանուր հաշվարկային ենթակառուցվածք ստեղծելու մասին հարցը` օգտագործելով ժամանակակից ֆինանսական տեխնոլոգիաները։ Պուտինը համոզված է, որ դա թույլ կտա բարձրացնել միության երկրների ազգային վճարային համակարգերի կայունությունը` դրանք պակաս կախված դարձնելով դոլարից և այլ արտասահմանյան արժույթներից։ Դրանցից կախվածությունը նշանակում է տնտեսական ինքնիշխանության բարձրացում։

Ըստ թեմայի

ԵԱՏՄ երկրների ղեկավարները կքննարկեն գազի ընդհանուր շուկա ձևավորելու հարցը
«Մենք» դաշինքի նախընտրական ծրագիրը. դուրս գալ ԵԱՏՄ–ից, բայց մնալ ՀԱՊԿ–ում
Վլադիմիր Պուտինը վավերացրել է ԵԱՏՄ-ի և Իրանի միջև ժամանակավոր համաձայնագիրը
թեգերը:
Եվրասիական Տնտեսական Միություն (ԵԱՏՄ), Վլադիմիր Պուտին, Հայաստան, Ռուսաստան

Գլխավոր թեմաներ