17:17 08 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Եկեղեցի

Մոսկվայում կկառուցվի առաջին հայ կաթողիկե եկեղեցին

© Sputnik / Armenuhi Mkhoyan
Ռուսաստան
Ստանալ կարճ հղումը
132 0 0

Ըստ պաշտոնական տվյալների, Մոսկվայում այժմ ապրում է մոտ 500 հայ կաթողիկե ընտանիք, իսկ ամբողջ Ռուսաստանում հայ կաթոլիկների թիվը մոտ 100.000 է։

ԵՐԵՎԱՆ, 16 հունվարի — Sputnik. Մոսկվայի քաղաքային իշխանությունը հայ կաթողիկե համայնքին հողատարածք է տրամադրել՝ եկեղեցի կառուցելու համար: Այս մասին Sputnik Արմենիային տեղեկացրին  Հայաստանի, Վրաստանի, Ռուսաստանի և  Արևելյան Եվրոպայի  հայ կաթողիկե  առաջնորդարանից։

Հունվարի 11-ին Հայաստանի, Վրաստանի, Ռուսաստանի և  Արևելյան Եվրոպայի  հայ կաթողիկե  առաջնորդ Արհ. Տ. Ռաֆայել Արքեպիսկոպոս Մինասյանի Ռուսաստան կատարած հովվական այցից հետո Մոսկվայի քաղաքային իշխանությունները հրապարակեցին տեղեկատվություն այն մասին, որ Մոսկվայի քաղաքապետարանի Քաղաքաշինական-հողային հարցերի հանձնաժողովը հավանություն է տվել Մոսկվայի հայ կաթողիկե համայնքին հանձնելու հողատարածք՝ եկեղեցու կառուցման համար:

Հողատարածքը Մոսկվայի Հարավային Բուտով շրջանում է և կազմում է 0,7 հա: Հանձնաժողովի քարտուղար Անաստասիա Պյոտվան ասել է, որ հողատարածքը կտրամադրվի Հայ Կաթողիկե Եկեղեցու Սուրբ Գրիգոր Լուսավորիչ ժողովրդապետությանը՝ 9 տարի անհատույց օգտագործման իրավունքով,եկեղեցու և հոգևոր-մշակութային կենտրոնի նախագծման և կառուցման համար: Եկեղեցու ընդհանուր մակերեսը կարող է կազմել մինչև 1000 քառակուսի մետր, իսկ հոգևոր կենտրոնը՝ մոտ 850 քառակուսի մետր: Նոր կառուցվելիք եկեղեցին կլինի Մոսկվայի առաջին հայ կաթողիկե եկեղեցին՝ ողջ պատմության ընթացքում:

Ըստ պաշտոնական տվյալների, Մոսկվայում այժմ ապրում է մոտ 500 հայ կաթողիկե ընտանիք, իսկ ամբողջ Ռուսաստանում հայ կաթոլիկների թիվը մոտ 100.000 է։

Ըստ թեմայի

Կաթողիկոսը կարգալույծ արեց Կորյուն աբեղա Առաքելյանին
Ինչո՞ւ էր Նիկոլայ ցարը Գյումրի եկել, կամ այրված եկեղեցու երկար պատմությունը
Երևանի հինգ հնագույն փողոցները․ լուսանկարներ
թեգերը:
Ռուսաստան

Գլխավոր թեմաներ