07:04 22 մարտի 2019
Ուղիղ եթեր
  • USD486.10
  • GBP640.24
  • EUR554.45
  • RUB7.64
Ալլա Պուգաչովան և Մաքսիմ Գալկինը

Ահաբեկիչը պնդում է, որ Գալկինը պատվիրել է սպանել Կիրկորովին, Ֆիլիպը տխրել է գնից

© Sputnik / Илья Питалев
Ռուսաստան
Ստանալ կարճ հղումը
368 0 0

Խիդիրնեբի Կազուևը հայտարարել է, որ Գալկինը հասցրել է մեկ միլիոն ռուբլի փոխանցել, բայց դեռ ևս մեկ միլիոն էլ պիտի վճարեր։

ԵՐԵՎԱՆ, 13 մարտի – Sputnik. Ահաբեկչության մասին քրեական գործով քննվող դաղստանցին հայտարարել է, որ Մաքսիմ Գալկինը Ֆիլիպ Կիրկորովին սպանելու պատվեր է տվել։ Այս մասին հայտնում են ռուսական ԶԼՄ–ները։

Դաղստանի բնակիչ Խիդիրնեբի Կազուևը, որը երեք այլ հայրենակիցների հետ անցնում է 2017 թվականի հուլիսին Ֆիլիպ Կիրկորովի համերգի ժամանակ ահաբեկչություն կազմակերպելու գործով, քննչական մարմնին ասել է, որ ոչ մի ահաբեկչություն էլ չի ծրագրել, այլ ցանկացել է սպանել Կիրկորովին։

Նա նշել է, որ Մոսկվայում գտնվելու ժամանակ Մաքսիմ Գալկինը երկու միլիոն ռուբլի է առաջարկել Ֆիլիպ Կիրկորովի սպանության համար։ Իբր Գալկինը խանդել է Կիրկորովին ու Ալլա Պուգաչովային։

Ռուսաստանում արգելված «Իսլամական պետություն» խմբավորման ենթադրյալ անդամն ասել է, որ Գալկինից ստացել է 1 միլիոն ռուբլի կանխավճար, բայց ավելի ուշ հրաժարվել է կատարել պատվերը, իսկ փողերը ծախսել է ռումբի համար բաղադրիչներ գնելու համար։

Կազուևը Գալկինին, Պուգաչովային ու Կիրկորովին հարցաքննելու և առերեսում անցկացնելու միջնորդություն է ներկայացրել։ Միաժամանակ կասկածյալը հրաժարվել է նկարագրել ենթադրվող պատվիրատուի հետ հանդիպման մանրամասները։ Միջնորդությունը մերժվել է։ Քննությունը դա գնահատել է որպես հետաքննությունը ձգձգելու փորձ։

Գալկինն էլ իր հերթին Instagram–ում հայտարարել է, որ «վերջապես գարուն է եկել»։

«Մարդիկ արթնանում են, արթնանում է նաև նրանց երևակայությունը։ Գարնանային սրացումն ուժի մեջ է», – ասում է նա։

Посмотреть эту публикацию в Instagram

Официальное заявление❗️🚯🆘

Публикация от Максим Галкин (@maxgalkinru)

Նա կոչ է արել լրագրողներին չանհանգստացնել Ֆիլիպին, քանի որ նա շատ է վշտացել, որ իր սպանությունն այդքան էժան են պատվիրել։

Նշենք, որ մարտի 4–ին «Իսլամական պետության» ենթադրվող անդամներին մեղադրանք է ներկայացվել ահաբեկչական գործունեություն իրականացնելու նպատակով ուսուցում անցնելու, ահաբեկչություն նախապատրաստելու, անօրինական զինված խմբավորում ստեղծելու, ինչպես նաև պայթուցիկ նյութեր պատրաստելու և անօրինական շրջանառության մեջ։

 

Ըստ թեմայի

92-ամյա Յաշա պապն ու Սարյանի զարդանկարները. հայ կոլեկցիոները զարմացրել է Մաքսիմ Գալկինին
Եզակի երեխա. ինչով է Դիանա Գևորգյանը զարմացրել Մաքսիմ Գալկինին «Лучше всех» շոուի ժամանակ

Գլխավոր թեմաներ