07:56 23 հոկտեմբերի 2019
Ուղիղ եթեր
  • USD475.96
  • GBP615.51
  • EUR530.36
  • RUB7.48
Մարիա Զախարովա

Մոսկվան հայկական ծագում ունեցող ռուսաստանցիների վերաբերյալ դեռ պատասխան չի ստացել Բաքվից

© Sputnik / Виталий Белоусов
Ռուսաստան
Ստանալ կարճ հղումը
191 0 0

Մարիա Զախարովան հայտնել է, որ Բաքուն չի պատասխանել Ռուսաստանի ԱԳՆ հայտարարությանը, որը վերաբերում էր հայկական ազգանուն ունեցող մարդկանց։

ԵՐԵՎԱՆ, 15 մարտի — Sputnik. Մոսկվան մինչև հիմա Բաքվից պատասխան չի ստացել Ռուսաստանի ԱԳՆ–ի հայտարարության վերաբերյալ, որը կապված էր հայկական ծագում ունեցող ռուսաստանցիների հետ։ Այս մասին այսօր ավանդական ճեպազրույցի ընթացքում ասաց Ռուսաստանի ԱԳՆ պաշտոնական ներկայացուցիչ Մարի Զախարովան։

Ռուսաստանի արտգործնախարարությունը մարտի 12–ին դիմել էր այն ռուսաստանցիներին, որոնք «հայ ազգին պատկանելու ուղղակի կամ անուղղակի նշաններ ունեն», և հորդորել Ադրբեջան մեկնելու դեպքում ծանրութեթև անել վտանգները։

«Ինչ վերաբերում է խորհրդատվություններին, ապա ռուսական կողմն իր անհանգստությունը բազմիցս հայտնել է ադրբեջանցի գործընկերներին։ Ցավոք, պատասխան չի եղել», – նշեց Զախարովան։

ՌԴ ԱԳՆ պաշտոնական ներկայացուցչի խոսքով` Բաքվից պաշտոնական պատասխան չի եղել, բայց ոչ պաշտոնական արձագանքներ եղել են։

«Ես մամուլում մեկնաբանություններ ու հարցազրույցներ եմ տեսել` իբր նման խնդիրներ ունեն Ռուսաստանի քաղաքացիները (Հայաստանում – խմբ.), որոնք ադրբեջանական արմատներ ունեն։ Ես հայտնի մի մարդու հարցազրույց կարդացի ու շատ զարմացա։ Հարցազրույցում մեղադրանք կար, թե ինչու Ռուսաստանի ԱԳՆ–ն այն դեպքերով չի հետաքրքրվում։ Եթե այդպիսի դեպքեր կան, մենք դրանց մասին չգիտենք։ Խնդրում ենք տեղեկացնել մեզ նման դեպքերի մասին։ Մենք արձագանքում ենք անկախ տարածաշրջանից կամ երկրից։ Մենք արձագանքում ենք կոնկրետ դեպքերին», – նշեց Զախարովան։

Հարցը Զարխարովային ուղղած լրագրողը որոշեց Զախարովային տեղեկացնել ու ասաց, որ արտասահմանից բազում ադրբեջանցիներ են Հայաստան մուտք գործում, հիմնականում` Իրանի քաղաքացիներ են։

«Եկեք Հայաստանի ԱԳՆ–ի հացը չխլենք։ Թող իրենք իրենց մասով մեկնաբանեն, իսկ ես պատասխան եմ տալիս ՌԴ ԱԳՆ–ի համար», – նշեց դիվանագետը։

Նշենք` մարտի 12–ին Ռուսաստանի ԱԳՆ–ի տարածած հայտարարության մեջ նշվում էր, որ Ադրբեջանն անտեսում է ռուսական կողմի` ՌԴ էթնիկ հատկանիշներ ունեցող քաղաքացիների հանդեպ խտրականություն ցուցաբերելու վերաբերյալ դիմումները։

Ըստ թեմայի

Կոպիտ խախտում է. Զախարովան` Ադրբեջանից ՌԴ հայ քաղաքացիների արտաքսման մասին
Անընդունելի է. ՌԴ ԱԳՆ–ն` հայկական արմատներով ռուսաստանցիների մուտքը Բաքու արգելելու մասին
Ադրբեջանական Turan–ի խմբագրի հայաստանյան այցի արձագանքները. մենք ամաչելու բան ունե՞նք
թեգերը:
Մարիա Զախարովա, Ռուսաստան, Հայաստան

Գլխավոր թեմաներ