ԵՐԵՎԱՆ, 17 մայիսի – Sputnik. Անհայտ կինը փոքրիկ աղջկան թողել է Մոսկվայի հյուսիսում գտնվող պոլիկլինիկայում։ Այս մասին հայտնում է Ռուսաստանի Քննչական կոմիտեի գլխավոր վարչության մամուլի ծառայությունը։
Տեսանյութում երևում է, թե ինչպես է բժշկական դիմակով կինը երեխային գրկած մտնում № 15 պոլիկլինիկայի շենք երեկոյան 6–ին։
Հայտնի է, որ աղջիկը չի խոսում։ Ռուսաստանի Դաշնության քննչական կոմիտեի քննչական մարմիններն անհապաղ կազմակերպել են նախաքննչական ստուգում։
Քննիչները պարզում են, թե ինչպիսի հանգամանքներում և ինչու են աղջկան մենակ թողել։ Երեխային հանձնել են բուժհաստատություն։