17:27 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Ռուսաստան
Ստանալ կարճ հղումը
137 0 0

ֆրանսիական Nouvelle d'Arménie ամսագրին տված հարցազրույցում ՀՀ վարչապետ Նիկոլ Փաշինյանը խոսել է Հայաստանի ու Ռուսաստանի, ինչպես նաև եվրոպական երկրների հետ հարաբերությունների մասին:

ԵՐԵՎԱՆ, 1 սեպտեմբերի — Sputnik. Մենք ինքնիշխան գործընկերներ ենք, և եթե նրանք ունեն իրավունք մեզ կասկածելու, մենք էլ նույնքան իրավասու ենք նրանց կասկածելու։ Խոսելով թավշյա հեղափոխությունից հետո ՀՀ ռազմավարական դաշնակից Ռուսաստանի հետ հարաբերություններից, այս մասին ասել է ՀՀ վարչապետ Նիկոլ Փաշինյանը:

Ինչպես արդեն տեղեկացրել ենք, ՀՀ վարչապետն իշխանության  500-րդ օրվա առիթով հարցազրույց է տվել ֆրանսիական Nouvelle d'Arménie ամսագրին:

Ի թիվս այլ հարցերի, Փաշինյանն անդրադարձել է նաև Ռուսաստանի հետ հարաբերություններին առնչվող հարցադրումներին:

Նիկոլ Փաշինյանը չի համաձայնել ամսագրի թղթակցի այն ձևակերպման հետ, թե Ռուսաստանի մոտ կարող էին կասկածներ ծնվել հետհեղափոխական Հայաստանի նկատմամբ: «Եվ ինչո՞ւ ոչ ոք չի մտածում՝ իմանալու՝ արդյոք կա՞ն փոխադարձ կասկածներ Հայաստան-Ռուսաստան հարաբերություններում։ Օրինակ՝ երբ Ռուսաստանը զենք է վաճառում Ադրբեջանին, դա կասկածի առարկա՞ է, թե՞ ոչ։ Ես սրանով ուզում եմ ասել, որ մենք պետք է ազատվենք մեր դարավոր բարդույթներից: Ընդհանուր առմամբ, ես կարծում եմ, որ ահա այդ կարեւոր հիմքի վրա պետք է մեր հարաբերությունները զարգանան եւ բարելավվեն անդադար։ Մենք պետք է հաստատենք յուրաքանչյուրի արժանապատվությունը հարգող հարաբերություններ»,- ասել է Փաշինյանը՝ վստահություն հայտնելով, որ հայ-ռուսական ներկա հարաբերությունները նշանավորվում են այդ արժանապատվությամբ։

Հարցին, թե արդյո՞ք հնարավոր է միաժամանակ լինել ե՛ւ Ռուսաստանի ռազմավարական դաշնակիցը ե՛ւ պաշտպանել արեւմտյան արժեքները, Նիկոլ Փաշինյանը պատասխանել է պատմության օրինակներով՝ հիշելով Եվրոպական երկրների ու Ռուսաստանի հետ բանակցող Իսրայել Օրու և երիտասարդներին Եվրոպա ուսանելու ուղարկող ռուսական կայսր Պետրոս Մեծի օրինակները։

«Այսօրվա Ռուսաստանը Պետրոս Մեծի Ռուսաստանն է, նրա արժեքների կրողն է, այո՞, թե՞ ոչ։ Եթե այո, ապա որեւէ հակասություն չկա Ռուսաստանի եւ արեւմտյան արժեքների մեջ․ փաստն այն է, որ նույն Եվրոպայում իրերը չունեն նույն ընկալումը․ Լեհաստանն ունի իր ուրույն մոտեցումը եվրոպական արժեքներին, Ֆրանսիան՝ իր ուրույնը, Մեծ Բրիտանիան կողմ է քվեարկում Բրեքզիթին։ Ի՞նչ է սա նշանակում։ Այս նույն եվրոպական արժեքները հենց միայն եվրոպական արժեքներ չեն․ դրանք նաեւ մերն են։ Ինչո՞ւ։ Որովհետեւ մենք նույնպես մեր մեծ բաժինն ենք ունեցել այդ արժեքների կազմավորման գործում»,-ասել է ՀՀ վարչապետը:  

Հայաստանի արտգործնախարարը Ռուսաստանի հետ կապերը գերակա է համարում
Նա նշել է, որ Գրիգոր Նարեկացու «Մատյան ողբերգությանն» անչափելի մեծ ազդեցություն է ունեցել եվրոպական այսժամանակյա իրականության վրա, նաև հիշեցրել, որ մեկ տարի առաջ Հայաստանն իրականացրեց Եվրոպայի ամենաժողովրդական հեղափոխությունը, որովհետեւ ժողովրդավարությունը հայաստանյան գենետիկ արժեք է։ Հայաստանի Առաջին Հանրապետության տարիներին, վարչապետի հիշեցմամբ, կանայք արդեն ունեին ընտրելու իրավունք, մինչդեռ քաղաքակիրթ աշխարհի շատ երկրներում կանայք դեռևս զուրկ էին այդ իրավունքից։ 

Ըստ թեմայի

ՌԴ–ի և Վրաստանի հարաբերությունների կարգավորումը շատ կարևոր է Հայաստանի համար. նախարար
Գրիգորյանը և Պատրուշևը քննարկել են ՀՀ և ՌԴ անվտանգության ոլորտին առնչվող հարցեր
ՀՀ վարչապետն ու ՌԴ ԱԽ քարտուղարը մտքեր են փոխանակել ԼՂ հակամարտության կարգավորման մասին
Մոսկվայում քննարկվում է ՌԴ–ում ապրող կամ արտագնա աշխատանքի մեկնած հայերի խնդիրները
ՀՀ և ՌԴ ՊՆ ռազմական ոստիկանությունների համագործակցությանն առնչվող հարցեր են քննարկել
թեգերը:
Վլադիմիր Պուտին, Հայաստան, Ռուսաստան, Նիկոլ Փաշինյան

Գլխավոր թեմաներ