11:42 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Ալեքսեյ Սանդիկով

Ռուսաստանի հայերին պետք է հնարավորություն տալ ուսումնասիրելու մայրենի լեզուն. Սանդիկով

© Sputnik / Asatur Yesayants
Ռուսաստան
Ստանալ կարճ հղումը
51 0 0

Հայոց լեզվի ուսուցման հարցը կբարձրացնեն Ռոստովի շրջանում: Այստեղ հայ պատգամավորներին կաջակցի կազակ պատգամավորը։

ԵՐԵՎԱՆ, 23 սեպտեմբերի — Sputnik. Ռուսաստանի հայկական ընտանիքների երեխաները պետք է հնարավորություն ունենան դպրոցներում ուսումնասիրելու մայրենի լեզուն։ Այդ մասին Ազգային ժողովում լրագրողների հետ զրույցում ասել է ԱԺ «Իմ քայլը» խմբակցության պատգամավոր Ալեքսեյ Սանդիկովը` ներկայացնելով հայ պատգամավորների` ՌԴ Պետդումա կատարած աշխատանքային այցի արդյունքները։

Սանդիկովը խորհրդարանում ներկայացնում է ռուսական համայնքը և աշխատում հայ–ռուսական կապերի ամրապնդման ուղղությամբ։

Ռուսաստանի հայկական ժառանգությունը կզետեղվի միասնական էլեկտրոնային բազայում. Տողանյան

Մի քանի տարի առաջ Հայաստանի Հանրապետության Կրթության և գիտության նախարարությունը ռուսական կողմի հետ քննարկել է ՌԴ–ում հայերով խիտ բնակեցված վայրերում հայոց լեզվի ուսումնասիրման հնարավորությունը, ներառյալ ավանդական վայրերը, ինչպիսիք են Ռոստովի շրջանը (Ղրիմի հայերը) և Կրասնոդարի երկրամասը (համշենահայերը)։

«Դա Ռուսաստանի հայերի համար կարևորագույն հարցերից է։ Մենք քննարկել ենք այն և շուտով կշարունակենք քննարկումները, երբ Ռոստովի մարզում նշվի Ղրիմից Դոնի ափամերձ շրջաններում հայերի վերաբնակեցման 240–ամյակը։ Մենք, բնականաբար, կմասնակցենք այդ միջոցառումներին, ինչպես նաև մի շարք հանդիպումներ կանցկացնենք Ռոստովի մարզի ղեկավարության հետ, որտեղ կքննարկենք այդ հարցը», – հայտարարեց Սանդիկովը։

Այս հարցում աջակցություն է ցուցաբերում Ռոստովի շրջանից ՌԴ Պետդումայի պատգամավոր ընտրված Վիկտոր Վոդոլացկին: Ավելին, ինչպես նշեց պատգամավոր Միքայել Մելքումյանը, Վոդոլացկին Դոնի կազակական շարժման ղեկավարներից է, ինչն ավելի է ուժեղացնում հայ համայնքի հետ բարեկամական կապը։

Սփյուռքի խնդիրների լուծումը հաճախ հենց Հայաստանում է. Զարեհ Սինանյան

Նշենք, որ Հայաստանում ռուսական դպրոցներ գործում են ռուսական գյուղերում (Ֆիոլետովո, Լերմոնտովո), իսկ Երևանի մի քանի թաղամասերում գործում են ռուսական դասարաններ։

Ըստ թեմայի

Ռուսաստան-Հայաստան ուղղությամբ ավիատոմսերը կթանկանան. ո՞րն է պատճառը
Ախպեր ջան, ոնց որ թե նորից գնա՞նք «խոպան»… հայերը շարունակում են Ռուսաստան մեկնել
«Ռուսաստան, մենք քեզ սիրում ենք». կիթառահարների կրքոտ համբույրը ցնցել է հանդիսատեսին
«Հայեր ջան, դուխով». հայկական երգ ու պար Ռուսաստանի մայրաքաղաքում
թեգերը:
հայերեն, հայեր, հայ, երեխա, դպրոց, Ռուսաստան, Պատգամավոր, Ալեքսանդր Սանդիկով

Գլխավոր թեմաներ