ԵՐԵՎԱՆ, 31 հոկտեմբերի — Sputnik. Ռուսաստանի ամենաերջանիկ մարդիկ պետծառայողները, բժշկության և դեղագործության ոլորտներում աշխատողներն են։
«Ռոսիյսկայա գազետա» պարբերականը հայտնում է, որ Headhunter աշխատանքի տեղավորման ընկերության փորձագետները հարցում են անցկացրել ու նման եզրակացության են հանգել։
Հարցվածները պետք է գնահատեին իրենց երջանկությունը տասը բալանոց սանդղակով։ Ամենաբարձր միջին ցուցանիշը բժշկության ու դեղագործության ոլորտի ներկայացուցիչների մոտ էր` 6,1 միավոր։ Երկրորդ տեղում պետծառայողներն էին` 5,9, երրորդը` անձնակազմի կառավարման ոլորտի աշխատակիցները` 5,8 միավորով։
Ստամբուլյան կոնվենցիայի դեմ ստորագրահավաքը հասավ Գյումրի. էլ ի՞նչ են անելու նախաձեռնողները
Իսկ իրենց գործից «ամենադժբախտները» ավտոբիզնեսի ոլորտի ներկայացուցիչներն են (4,4 միավոր), նաև բանվորները (4,7 միավոր)։
Հատկանշական է, որ ամենաերջանիկն իրենց զգում են 55 տարեկանից բարձր հարցվածները, ոչ թե 18–24 տարեկան երիտասարդները։
