09:42 18 հունվարի 2020
Ուղիղ եթեր
  • USD479.61
  • GBP626.18
  • EUR533.71
  • RUB7.81
Ռուսաստան
Ստանալ կարճ հղումը
84 0 0

Ռուսաստանի Հաշվիչ պալատի նախագահ Ալեքսեյ Կուդրինը մեկնաբանել է ԵԱՏՄ տարածքում միասնական արժույթ ներմուծելու հնարավորությունը։

ԵՐԵՎԱՆ, 29 նոյեմբերի — Sputnik. ԵԱՏՄ տարածքում միասնական արժույթ ներմուծելն ապագայի հարց է: Այս մասին այսօր` նոյեմբերի 29–ին, Մոսկվայում «Եվրասիական տնտեսական ինտեգրացում» XIV միջազգային համաժողովի ժամանակ լրագրողներին ասաց Ռուսաստանի Հաշվիչ պալատի նախագահ Ալեքսեյ Կուդրինը։

«Միասնական արժույթը կապված է ապագայի հետ։ Որպեսզի միասնական արժույթը հաստատվի, այն պետք է ավելի մրցունակ լինի։ Ըստ էության, բիզնես է ծավալվում և հաշվարկվում այն արժույթով, որը ձեռնտու է ծախսերը նվազեցնելու համար»,–բացատրեց Կուդրինը։

Ցանկացած այլ արժույթ պետք է ավելի կայուն, ավելի իրացվելի լինի։ Այն պետք է ընդունվի մյուս երկրների կողմից։

«Ինձ թվում է, որ ԵԱՏՄ–ն կուտակում է նման ներուժ, բայց դա ապագայի հարց է։ Դա մի օր հնարավոր կդառնա»,–ենթադրում է Կուդրինը։

Վալովայա. ԵՏՄ–ում միասնական արժույթ սահմանելը ոչ թե ուտոպիա է, այլ` հակաուտոպիա

Նրա խոսքով` Եվրասիական զարգացման բանկ մտնելու` Հունգարիայի ցանկությունը լավ ազդանշան է ինտեգրացիան ամրապնդելու համար։ Դա վկայում է այն մասին, որ ԵԱՏՄ–ն աճում և զարգանում է։

Իր հերթին ԵԶԲ կառավարման նախագահ Անդրեյ Բելյանինովը նշեց, որ կյանքն ինքն է հուշում, թե որ արժույթներն են գերիշխող ԵԱՏՄ տարածքում։

Փոխվարչապետն առաջարկում է անցնել ԵԱՏՄ միասնական արժույթի

«Ազգային արժույթները հաշվարկելիս հնչում են 40%, 50% թվեր։ Ժամանակը ցույց կտա։ Ակնհայտ է, որ տեղի է ունենում փախուստ դոլարից»,–նշեց Բելյանինովը։

ԵԱՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է 2015 թվականի հունվարի 1–ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղզստանը։ 2019 թվականին միությունը նախագահում է Հայաստանը։

Ըստ թեմայի

ԵԱՏՄ–ն ու Վիետնամն ազատ առևտուր կանեն. կգնենք հագուստ, կվաճառենք խմիչք
ԵԱՏՄ–ում տուրքերի բաշխման հարցը երկար է քննարկվել, բայց լուծվել է. ՀՀ փոխվարչապետ
Հայաստանը ճիշտ է վարվել` պաշտպանելով իր շուկան. ԵԱՏՄ ցեմենտ արտադրողների միության ղեկավար
թեգերը:
Ռուսաստան, Հայաստան, Միասնական արժույթ, Ալեքսեյ Կուդրին, Եվրասիական Տնտեսական Միություն (ԵԱՏՄ)

Գլխավոր թեմաներ