02:44 27 փետրվարի 2020
Ուղիղ եթեր
  • USD478.39
  • GBP619.28
  • EUR520.92
  • RUB7.28
Ռուսաստան
Ստանալ կարճ հղումը
Ղարաբաղյան հակամարտություն (324)
10310

ՌԴ ԱԳՆ պաշտոնական ներկայացուցչի խոսքով` այժմ աշխատանք է իրականացվում Հայաստանի ու Ադրբեջանի միջև կալանավորների փոխանակման ուղղությամբ։

ԵՐԵՎԱՆ, 18 դեկտեմբերի — Sputnik. Ռուսաստանը կսատարի Հայաստանի և Ադրբեջանի միջև իրականացվելիք պահվող անձանց փոխանակմանը, եթե նման պայմանավորվածություն ձեռք բերվի, այսօր ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զարխարովան։

Նրա խոսքով` պահվող անձանց փոխանակման հարցը մշտապես բանակցությունների օրակարգում է։ Մասնավորապես, այդ թեմային ակտիվ քննարկվել է այս տարվա ապրիլին Մոսկվայում կայացած Ռուսաստանի, Հայաստանի ու Ադրբեջանի արտգործնախարարների հանդիպման ժամանակ։

«Հանդիպմանը մասնակցել են ԵԱՀԿ Մինսկի խմբի համանախագահները։ Հանդիպման ընթացքում կողմերը պայմանավորվել են փոխադարձ հիմքով միջոցներ կիրառել, որպեսզի միմյանց տարածքներում կալանավորված անձանց ազգականները կարողանան նրանց մոտ գնալ», – ասել է Զախարովան։

Նա հիշեցրել է, որ Կարմիր Խաչի միջազգային կոմիտեի աջակցությամբ այս տարվա հունիսին հայրենիք են վերադարձել Ադրբեջանի ու Հայաստանի մեկական քաղաքացիներ։ Ռուսաստանի արտգործնախարարության ներկայացուցիչը կարծում է, որ դա «չափազանց կարևոր ակցիա էր», որը հույս է արթնացնում կալանավորման մեջ գտնվող մնացած մոտ։

Ադրբեջանում գերեվարված հայերի ճակատագիրն են քննարկել Տոնոյանը և ԿՄԽԿ ներկայացուցիչները

«Կարող եմ ասել, որ այլ կալանավորների ուղղությամբ էլ է աշխատանք իրականացվում։ Եթե պայմանավորվածություն ձեռք բերվի, մենք անկասկած կսատարենք այն», – ընդգծել է Զախարովան։

Հիշեցնենք, որ այժմ Ադրբեջանում է ՀՀ Տավուշի մարզի բնակիչ Կարեն Ղազարյանը, որը 20 տարվա ազատազրկման է դատապարտված։ Բաքվում նրան մեղադրում են դիվերսիա իրականացնելու փորձի մեջ։ Սակայն ՀՀ ՊՆ–ն բազմիցս հայտարարել է, որ Ղազարյանը զինծառայող չէ, այլ սահմանամերձ գյուղի խաղաղ բնակիչ, որը հոգեկան խնդիրներ ունի։

Ալավերդյան.«Գերիներին փոխանակելը պայմանավորված է հումանիտար քայլեր անելու հայտարարությամբ»

Հիշեցնենք նաև, որ Արցախի ՊԲ–ն հայտնել էր, որ օգոստոսի 12–ին, ժամը 12:00-ի սահմաններում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքներում, մարտական դիրքը լքել է զինծառայող, 2000թ. ծնված Արայիկ Ղազարյանը։ ՀՀ պաշտպանության նախարար Դավիթ Տոնոյանն էլ հայտնել էր, որ զինծառայողը, ամենայն հավանականությամբ, մոլորվել է։

թեմա:
Ղարաբաղյան հակամարտություն (324)

Ըստ թեմայի

«Դրանք արհեստական խոսակցություններ են». Նաղդալյանը` Ղարաբաղի համայնքների շփման մասին
Ռուսաստանը ցավում է, որ Ադրբեջանը չսատարեց Փաշինյանի հայտարարությանը. Կոսաչյով
Մինասյան. «Բանակցային թիմի փոփոխությունը որոշ չափով ազդել է գործընթացի տրամաբանության վրա»
թեգերը:
կալանավոր, գերի, Ադրբեջան, Մարիա Զախարովա, Արցախ, Լեռնային Ղարաբաղ, Հայաստան

Գլխավոր թեմաներ