12:45 13 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Ռուսաստան
Ստանալ կարճ հղումը
119140

Ռուսաստանի նախագահ Վլադիմիր Պուտինը հաստատել է Դաշնային հարկային ծառայության ղեկավար Միխայիլ Միշուստինի թեկնածությունը վարչապետի պաշտոնում։ Ո՞վ է նա, ի՞նչ է հայտնի նրա մասին։

ԵՐԵՎԱՆ, 16 հունվարի – Sputnik. 53–ամյա Միխայիլ Վլադիմիրի Միշուստինը հունվարի 16–ին դարձել է Ռուսաստանի վարչապետ։ Պետդումայում Միշուստինի թեկնածությունը հաստատելուց հետո ՌԴ նախագահ Վլադիմիր Պուտինն անմիջապես ստորագրել է նրան վարչապետ նշանակելու հրամանագիրը։

Միշուստինը ծնվել է Մոսկվայում զինվորականների ընտանիքում։ Նրա ընտրած մասնագիտությունը քաղաքականությունից հեռու է, հիմնական ուղղվածությունը տեղեկատվական տեխնոլոգիաներն են։

Միշուստինն ավարտել է Մոսկվայի պետական տեխնոլոգիական համալսարանը` «ՍՏԱՆԿԻՆ»–ը, որը նախկինում կոչվել է Մոսկվայի հաստոցագործիքային ինստիտուտ։ Հետագայում նա ստացել է տնտեսական գիտությունների դոկտորի աստիճան։ 2008թ.-ի մարտին Միշուստինը դարձել է UFG ընկերությունների խմբի նախագահ, որն ակտիվների կառավարման ոլորտում խոշորագույն ռուսական ընկերություններից է։

Նա գլխավորել է Ռուսաստանի Դաշնային հարկային ծառայությունը 2010թ.-ի ապրիլից։ Նրա մասնակցությամբ է ստեղծվել այդ ծառայության կայքը։ Բացի դրանից, դեռ 1990–ականների սկզբից Միշուստինն ակտիվ մասնակցություն է ունեցել տվյալ ոլորտում առաջատար տեղեկատվական տեխնոլոգիաների ներմուծման մեջ։ Հենց նա է մշակել էլեկտրոնային թվային ստորագրության մասին օրենքը, ինչպես նաև ներմուծել «միասնական պատուհանի» համակարգը և հարկային փաստաթղթերը թվային ձևաչափով հանձնելու տեխնոլոգիաները։

ՌԴ նոր վարչապետի առանցքային բնութագիրն այն է, որ նա հեռու է վերնախավերի ներսում ընթացող «պատերազմներից» և կլաններից։

Գիտական գործունեությունը

Միշուստինը հարկային վարչարարության թեմայով երեք մենագրությունների հեղինակ է։ Բացի դրանից, նա հրապարակել է ավելի քան 40 գիտական հոդված։ Միշուստինի խմբագրությամբ ՌԴ հարկային մարմինների ստեղծման 25–ամյակի կապակցությամբ հրատարակվել է «Հարկեր և հարկային վարչարարություն» դասագիրքը։

Ընտանիքը և նախասիրությունները

Միխայիլ Միշուստինն ամուսնացած է, ունի երեք որդի։ Տարբեր աղբյուրների համաձայն` նա սպորտի, մասնավորապես, հոկեյի մեծ սիրահար է։ Նա նույնիսկ ԲԿՄԱ հոկեյի ակումբի դիտորդական խորհրդի կազմի մեջ է։ ԲԿՄԱ–ի հանդեպ սերը և նվիրվածությունը ժառանգական է։

«Պապերս երիտասարդ լեյտենանտներ են եղել, նրանք երկրպագել են ԲԿՄԱ–ին։ Հայրս մինչև կյանքի վերջ նույնպես ԲԿՄԱ–ի երկրպագու է եղել։ Իմ կյանքն անցել է ԲԿՄԱ–ի հետ։ Առաջին իսկ հնարավորության դեպքում ներկա եմ լինում խաղերին», – ասել է նա 2015–ի առաջնության մեդալները հանձնելու արարողության ժամանակ։

Հիշեցնենք` հունվարի 15-ին ՌԴ վարչապետ Դմիտրի Մեդվեդևը Վլադիմիր Պուտինի` Դաշնային ժողովին հղած ուղերձից հետո հայտարարել էր, որ կառավարությունն ամբողջ կազմով հրաժարական է տալիս: Հունվարի 16–ին ՌԴ նախագահ Վլադիմիր Պուտինը ստորագրել է Միխայիլ Միշուստինին ՌԴ վարչապետ նշանակելու հրամանագիրը։

Ըստ թեմայի

Գրիբոյեդովը և հայ-ռուսական բարեկամությունը. հոբելյանական տարի`մեծ գրողի և նրա արձանի համար
Ինչ փոխեց 2019–ը հայ–ռուսական հարաբերություններում. արդարացա՞ն բացասական կանխատեսումները
Սուրենյանց. «Հայ-ռուսական հարաբերություններում դեռ կան չլուծված խնդիրներ»
թեգերը:
հոկեյ, Միխայիլ Միշուստին, Վարչապետ, Ռուսաստան

Գլխավոր թեմաներ