ԵՐԵՎԱՆ, 16 փետրվարի — Sputnik. Երեկ Մոսկվայում՝ Killfish բարում, կարկանդակ ուտելու մրցույթում հաղթած աղջիկը մահացել է։
Բարում ընկերների հետ ժամանակ անցկացնող 23-ամյա աղջիկը որոշել է մասնակցել ամենաշատ կարկանդակ ուտողների մրցույթին։
Նա ամենասկզբից էլ առաջատար է եղել։ Երբ հնչել է մրցույթի ավարտն ազդարարող սուլոցը, աղջիկը որոշել է բաց չթողնել հաղթելու հնարավորությունն ու միանգամից մի քանի կարկանդակ է վերցրել, դրանք խցկել է բերանն ու ծամել։
Բուլղարահայը նետվել է Ատլանտիկայի սառը ջուրը և փրկել ընկերոջը
Ծամելու ընթացքում նա պատահական շունչ է քաշել ու տեղում խեղդվել, ներկաներից ոչ ոք չի կարողացել նրան օգնել։ Դեպքի վայր ժամանած բժիշկները արձանագրել են աղջկա մահը։
