ԵՐԵՎԱՆ, 3 ապրիլի – Sputnik. Ռուսաստանի անվտանգության դաշնային ծառայությունը երկու ահաբեկչություն է կանխել Ստավրոպոլի երկրամասում և Խանտի Մանսիյսկի ինքնավար շրջանում։ 4 հոգու ձերբակալել են, մեկ ահաբեկիչ դիմադրություն ցույց տալու ժամանակ չեզոքացվել է։ Տեղեկությունը հայտնում է ՌԻԱ Նովոստին։
ԱԴԾ-ի աշխատակիցները Ստավրոպոլի երկրամասում հայտնաբերել են «Իսլամական պետություն» ահաբեկչական կազմակերպության (արգելված է Ռուսաստանում և մի շարք այլ երկրներում) բջիջ, որում ընդգրկված տեղի բնակիչն ու դաղստանցին ծրագրել էին հարձակվել ոստիկանների վրա և ահաբեկչություններ իրականացնել մարդաշատ վայրերում:
Լյանտոր քաղաքում ձերբակալվել են «Իմարաթ Կովկաս» ահաբեկչական խմբավորման (արգելված է Ռուսաստանում և մի շարք այլ երկրներում) 3 անդամներ: Նրանք ահաբեկչություն էին ծրագրել քաղաքի առեւտրային օբյեկտներից մեկում։
Չարագործներից առգրավել են կիրառման պատրաստ ինքնաշեն պայթուցիկ սարք, պայթուցիկ սարքերի պատրաստման համար բաղադրիչներ, զենք և զինամթերք:
Ահաբեկչություն Ֆրանսիայում. կրակողը բղավել է «Ալլահ աքբար». տեսանյութ
