ԵՐԵՎԱՆ, 11 մայիսի – Sputnik․ Ռուսաստանի նախագահ Վլադիմիր Պուտինի մամուլի քարտուղար Դմիտրի Պեսկովը վարակվել է կորոնավիրուսով։ Տեղեկությունը հայտնում է ՌԻԱ Նովոստին։
Պեսկովն ասել է, որ հիմա հիվանդանոցում է։
Ավելի վաղ՝ ապրիլի 30-ին, կորոնավիրուսով վարակվելու մասին հայտնել էր Ռուսաստանի վարչապետ Միխայիլ Միշուստինը։
Միշուստինի հետ պատահածից հետո Պուտինի առողջության մասին ավելի շատ են հոգ տանում
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
