10:04 07 հունիսի 2020
Ուղիղ եթեր
  • USD481.74
  • GBP608.44
  • EUR546.00
  • RUB7.01
Ռուսաստան
Ստանալ կարճ հղումը
208 0 0

Ռուսական կողմը հերքում է Բաց երկնքի պայմանագրի դրույթներին չհետևելու` ամերիկյան կողմի մեղադրանքները։

ԵՐԵՎԱՆ, 22 մայիսի – Sputnik. Մոսկվան աշխատելու է Բաց երկնքի կարևոր ու արժեքավոր պայմանագիրը պահպանելու ուղղությամբ։ ՌԻԱ Նովոստիի փոխանցմամբ՝ այս տեղեկությունը Ա. Գորչակովի անվան հանրային դիվանագիտության աջակցման հիմնադրամի կազմակերպած առցանց բանավեճի ընթացքում հայտնել է ՌԴ արտգործնախարարի տեղակալ Սերգեյ Ռյաբկովը։

Քաթարը պատրաստվում է դուրս գալ ՕՊԵԿ–ից. էներգետիկայի նախարար

Մայիսի 21-ին ԱՄՆ նախագահ Դոնալդ Թրամփը հայտարարել էր Բաց երկնքի պայմանագրից դուրս գալու մասին՝ պատճառաբանելով, թե իբր Ռուսաստանը չի հետևում դրան։

Ռյաբկովը նշել է, որ Ռուսաստանն ԱՄՆ-ի հետ Բաց երկնքի մասին համաձայնագրի վերաբերյալ պայմանավորվածություն է ձեռք բերելու միայն փոխադարձ հիմունքներով։

«Եթե նրանք (ամերիկացիները,–խմբ.) ուզում են լուծել խնդիրները, պետք է զբաղվեն մեր ներկայացրած բողոքներով, պետք է դրա վրա կենտրոնացնեն իրենց մասնագետների ջանքերը»,-ասել է փոխնախարարը։

Ռուս դիվանագետի խոսքով՝ ԱՄՆ-ն պետք է մեկ քայլով ընդառաջի, քանի որ ռուսական կողմը պատասխանել է իրենց բոլոր բողոքներին։

Ավելի վաղ Ռուսաստանի արտաքին գործերի փոխնախարար Ալեքսանդր Գրուշկոն ասել էր, որ Մոսկվան կատարելու է իր պարտականությունները Բաց երկնքի պայմանագրի շրջանակում, քանի դեռ այն գործում է։ Նա հույս էր հայտնել, որ այլ երկրներն էլ բարեխիղճ մոտեցում կցուցաբերեն իրենց պարտականությունների հանդեպ։

Փոխնախարարի խոսքով ՝ ռուսական կողմը մերժում է տեխնիկական խնդիրներն արդարացնելու համար այդ հիմնարար համաձայնագրից դուրս գալու ցանկացած փորձ։

Նա հիշեցրել է, որ ռազմական անվտանգության ոլորտի ցանկացած պայմանագիր որպես կանոն` շատ բարդ հյուսվածք է, ու քաղաքական կամքի առկայության դեպքում բոլոր խնդիրները լուծվում են համագործակցության ու շահերի հավասարակշռության հիման վրա։

Գրուշկոն հայտարարել է, որ Ռուսաստանի կողմից պայմանագրի ոչ մի խախտում չի եղել, ու Մոսկվան «Պայմանագրի դրույթների կատարման վերաբերյալ Միացյալ Նահանգներին ուղղված ոչ պակաս լուրջ բողոքներ ունի»։

ԱՄՆ-ում վրեժի այնպիսի տարբերակներ են մտածում, որ Չինաստանը նախանձի Ռուսաստանին

Հիշեցնենք՝ ԱՄՆ-ն ավելի վաղ հայտարարել էր, որ մայիսի 22-ին Բաց երկնքի պայմանագրի երկրներին պաշտոնապես կծանուցի, որ դուրս է գալիս պայմանագրից, իսկ կես տարի անց ԱՄՆ-ն ազատ կլինի այդ փաստաթղթի շրջանակում իր ունեցած պարտավորվածություններից։ ԱՄՆ-ն պատճառաբանել է՝ իբր Ռուսաստանը չի հետևում պայմանագրի պայմաններին։ Ընդ որում՝ Դոնալդ Թրամփը չի բացառել, որ եթե Ռուսաստանը սկսի հետևել փաստաթղթին, որոշումը կարող է փոխվել։

Բաց երկնքի պայմանագիրը կնքվել է 1992 թվականին ու սառը պատերազմից հետո Եվրոպայում վստահությունն ամրացնելու միջոցներից մեկն է եղել։ Այն գործում է 2002 թվականից ու թույլ է տալիս մասնակից երկրներին բացահայտորեն տեղեկություն հավաքել միմյանց զինված ուժերի ու միջոցառումների մասին։ Այդ պայմանագրին 34 պետություն է մասնակցում։

ԱՄՆ–ն ձգտում է Ռուսաստանին և ՉԺՀ–ին դուրս գցել միջուկային տեխնոլոգիաների ոլորտից. Կոշկին

Ըստ թեմայի

Պուտինն ասել է, որ նավթի հարցով պատրաստ են պայմանավորվել ԱՄՆ–ի և Սաուդյան Արաբիայի հետ
ԱՄՆ-ն ապացույց չունի, բայց նորից կասկածում է Ռուսաստանին․ այս անգա՞մ ինչի մեջ
Ո՞ր դեպքում ՌԴ-ն ԱՄՆ–ի հետ երկխոսություն կվարի գերձայնային զենքի վերաբերյալ․ ԱԳՆ
թեգերը:
ԱՄՆ, Ռուսաստան

Գլխավոր թեմաներ