ԵՐԵՎԱՆ, 8 հունիսի – Sputnik. Մոսկվայում հունիսի 9-ից չեղարկում են ինքնամեկուսացման ռեժիմը, անցագրերի առկայության պարտադրանքն ու զբոսանքի ժամացուցակները։ Տեղեկությունն այսօր իր բլոգում հայտնել է Մոսկվայի քաղաքապետ Սերգեյ Սոբյանինը, փոխանցում է ՌԻԱ Նովոստին։
Մայրաքաղաքի բոլոր բնակիչները, այդ թվում՝ 65-ից բարձր տարիքի և խրոնիկական հիվանդություններ ունեցողները, առանց սահամանափակումների կկարողանանփողոց դուրս գալ, երթևեկել և այցելել հասարակական վայրեր։
Քաղաքապետն ընդգծել է, որ ձեռնարկված միջոցառումները թույլ են տվել խուսափել համավարակի մեծ բռնկումից, ապահովել են զանգվածային թեստավորման անցկացումն ու վարակվածներին բժշկական օգնության տրամադրումը։
Նրա խոսքով՝ արդեն մի քանի շաբաթ է, ինչ վիրուսի տարածման տեմպերը նվազում են, հայտնաբերված նոր վարակակիրների թիվը կրճատվում է։
«Գործնականում Մոսկվան վերադառնում է կյանքի սովորական ռիթմին։ Բոլոր հիմնական սահմանափակումները` համաճարակաբանական անվտանգությունն ու սանիտարական միջոցառումները պահպանելու պայմանով, հունիսին կավարտվեն»,-նշել է Սոբյանինը։
Այսպես, հունիսի 9-ից աշխատանքը կվերսկսեն վարսավիրանոցները, գեղեցկության սրահները, ֆոտոատելյեները, անասնաբուժական կլինիկաներն ու աշխատանքի տեղավորման գործակալությունները, հասարակական կազմակերպությունները, կինոստուդիաները և ձայնագրման ստուդիաները, գիտական ինստիտուտները։ Բացի այդ, արդեն թույլատրվում է այցելել գերեզմանատուն, հանվում են ավտոլվացման և մանկապարտեզների աշխատանքի սահմանափակումները։
Հունիսի 23-ից կարող են նաև օգտվել ճոճանակներից, փողոցի մարզասարքերից ու նստարաններից։
Գազը կթանկանա. ՀԿԾՀ–ն համաձայն է
Հիշեցնենք, որ մարտի վերջից Մոսկվայում, կորոնավիրուսով պայամանավորված, հայտարարվել էր համընդհանուր ինքնամեկուսացման ռեժիմ։ Բնակարանը լքել թույլատրվում էր միայն շտապ բժշկական օգնության դիմելու համար և կյանքին ու առողջությանը սպառնացող այլ ուղղակի վտանգի դեպքում, մոտակա խանութներ և դեղատներ այցելելու, ընտանի կենդանիների զբոսանքի տանելու և աղբահանության համար: Բացի այդ, մայրաքաղաքի բնակիչներին, որոնք պարտավոր էին գտնվել աշխատավայրում, թույլատրվում էր աշխատանքի գնալ։ Ապրիլի 15-ից Մոսկվայում տրանսպորտով երթևեկելու համար պահանջվում էին թվային անցագրեր:
Ինչ առանձնահատկություններ ունի կորոնավիրուսի բարդացումների դեմ ստեղծված դեղորայքը
Առողջապահության Համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միանալ վարակի դեմ ակտիվ պայքարին։
