05:17 26 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Ռուսաստան
Ստանալ կարճ հղումը
Կորոնավիրուսը աշխարհում (916)
600 0 0

Կամավորներն ամեն օր բուժհաստատությունում լաբորատոր և գործիքային հետազոտություններ են անցնում։

ԵՐԵՎԱՆ, 20 հունիսի –Sputnik.  COVID-19–ի պատվաստանյութի փորձարկմանը մասնակցող կամավորները գտնվում են Բուրդենկոյի անվան գլխավոր ռազմական կլինիկական հոսպիտալի մասնագետների հսկողության տակ, տեղեկանում ենք ՌԴ ՊՆ պաշտոնական կայքից։

Նշվում է, որ բոլոր կամավորներն իրենց լավ են զգում, պատվաստանյութի ներարկումից հետո անցանկալի լուրջ երևույթներ չեն նկատվում։ Կամավորներն ամեն օր լաբորատոր և գործիքային հետազոտություններ են անցնում։

«Այսօր կկայանա հետազոտությունների անցկացման հերթական փուլը` պատվաստանյութի ներարկումից հետո իմունային պատասխանի առկայությունն ուսումնասիրելու համար»,–նշել է հոսպիտալի անեսթեզիոլոգ–ռեանիմատոլոգ Օլեգ Չիխլյաևը։

Նա հայտնել է, որ հետազոտություններից և նախնական տվյալները ստանալուց հետո կփորձարկեն կամավորների մյուս մասին, որոնք այս պահին ստացիոնար բաժնում գտնվում են մեկուսացման մեջ։

ՌԴ առողջապահության նախարարությունը հունիսի 16-ին թույլատրեց Բուրդենկոյի անվան հոսպիտալի հենքի վրա կլինիկական փորձարկումներ անցկացնել։ Հունիսի 18-ին COVID-19–ի դեմ փորձնական պատվաստանյութը ներարկվեց առաջին 18 կամավորներին։ Գամալեայի անվան համաճարակաբանության  և միկրոկենսաբանության գիտահետազոտական կենտրոնի տնօրեն Ալեքսանդր Գրինցբուրգն ասել էր, որ Ռուսաստանում կորոնավիրուսի դեմ պատվաստանյութի թողարկումը կարող է սկսվել արդեն աշնանը։

Պաշտոնական տվյալներով` Ռուսաստանում բացահայտված վարակակիրների թիվը 576 952 է, մահացության թիվը` 8 002։

Ռուսաստանում կամավորների 2 խումբ են ընտրել COVID-19–ի դեմ պատվաստանյութը փորձարկելու համար

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Հրապարակվել է «կորոնավիրուսի քարտեզը»․ հայտնի են հասցեներ, որտեղ կան ինքնամեկուսացածներ

թեմա:
Կորոնավիրուսը աշխարհում (916)

Ըստ թեմայի

ԱՄՆ-ում մինչև տարեվերջ կորոնավիրուսի դեմ երեք պատվաստանյութ կհայտնվի
Հայտնի է կորոնավիրուսի դեմ պատվաստանյութի ազդեցության ժամկետը
Ռուսաստանում սկսում են մարդկանց վրա փորձարկել COVID-19-ի դեմ պատվաստանյութը
թեգերը:
կամավոր, Ռուսաստան, պատվաստանյութ, կորոնավիրուս

Գլխավոր թեմաներ