12:39 15 օգոստոսի 2020
Ուղիղ եթեր
  • USD484.83
  • GBP634.16
  • EUR571.91
  • RUB6.61
Ռուսաստան
Ստանալ կարճ հղումը
Հայերի և ադրբեջանցիների միջև բախումներ (56)
32410

Դեսպանատունը խորհուրդ է տալիս հետևել բացառապես պաշտոնական տեղեկատվությանը, քանի որ խնդիրը լուծել դեռ չի հաջողվել։

ԵՐԵՎԱՆ, 19 հուլիսի — Sputnik. Հայաստանցի ներմուծողներն ու անհատ ձեռնարկատերերը, որոնք խոչընդոտների են բախվել Ռուսաստանի տարածքում գյուղմթերքի իրացման ժամանակ, կարող են դիմել մի շարք կազմակերպությունների` անվճար իրավաբանական օգնություն ստանալու համար։ Տեղեկությունը հայտնում է Ռուսաստանում Հայաստանի դեսպանատունը:

Ներկրողներին կօգնեն АРМРОСС իրավաբանների ռուս-հայկական ասոցիացիան (+7 (929) 939 78 00), ОМЕГА Групп–ը (7 (909) 952- 70-49, +7 (985) 132 08 88, + 7 (495) 104 -82 -27) և Հայ իրավաբանների ասոցիացիան (+7 (966) 153-00-00):

Բացի այդ, հայ ներմուծողները կարող են մշտապես կապ հաստատել դիվանագիտական ներկայացուցչության հետ 7 (966) 118-89-84 հեռախոսահամարով։

ՌԴ–ում ՀՀ դեսպանությունը նաև հայտնում է, որ Մոսկվայում, Տուլայում, Վլադիմիրում, Դոնի Ռոստովում, Վորոնեժում և այլ քաղաքներում հայկական ապրանքների իրացման հնարավորություններ կան։

«Միաժամանակ կոչ ենք անում մեր հայրենակիցներին ստեղծված իրավիճակում զգոն լինել, չտրվել հնարավոր սադրիչ գործողություններին, զերծ մնալ չհամաձայնեցված ակցիաներին մասնակցելուց, հայտնի իրադարձությունների հետ կապված պատասխան գործողություններից, թույլ չտալ ՌԴ օրենսդրության հնարավոր խախտումներ և զգոնություն պահպանել հասարակական վայրերում պահանջվող սանիտարահամաճարակաբանական նորմերի պահպանման հարցում»,-ասված է հաղորդագրության մեջ:

Ջրոցի, քոչարի ու հայկական ծիրան. հայերը կրկին քեֆ են կազմակերպել Մոսկվայում. տեսանյութ

Դեսպանատունը հորդորում է առաջնորդվել բացառապես պաշտոնական տեղեկատվությամբ։ Հայկական բոլոր ապրանքները կարող են իրացնել «Բուխտա»  և «Шелковый путь» (Մետաքսի ճանապարհ) կենտրոններում, ինչպես նաև Տուլայի առևտրի կենտրոնում։

Հիշեցնենք` Մոսկվայի մեծածախ շուկաներից մեկից՝ «Ֆուդ սիթի» գյուղմթերքի շուկայից, հուլիսի 18–ի կեսգիշերին հանել էին հայկական ապրանքներով բեռնված բեռնատարները։ Խնդիրն այն է, որ շուկան պատկանում է ծագումով ադրբեջանցի գործարարներ Գոդա Նիսանովին և Զարահ Իլիևին: Սակայն ինչպես ՌԴ–ում Հայաստանի դեսպանությունը, այնպես էլ ԲՀԿ ղեկավար Գագիկ Ծառուկյանը, «Տաշիր» ընկերությունների տնօրեն Սամվել Կարապետյանը և այլք արագ խնդիրը լուծեցին` բեռնատարներին տեղ տրամադրելով այլ շուկաներում։

Մոսկվայում ծիրանի վաճառքը վերածվել է տոնախմբության. հերթի կանգնած հայերը չեն ձանձրանում

Հայ առաքելական եկեղեցին գնել էր 8.5 տոննա հայկական ծիրան ու դեղձ Վարդավառի (Քրիստոսի պայծառակերպություն) տոնին մարդկանց անվճար բաժանելու համար։

թեմա:
Հայերի և ադրբեջանցիների միջև բախումներ (56)

Ըստ թեմայի

Լուծումը գտնվեց. ադրբեջանցիների շուկայից վտարած ծիրանը կարող են այլ շուկաներ տանել
ՌԴ–ում ՀՀ դեսպանությունը ծիրանով բեռնված բեռնատարներին անվճար կայանելու տեղեր է առաջարկել
«Վարդավառին եկեք, անվճար տարեք». Գոհար Ավետիսյանը շատ ծիրան ու դեղձ է գնել հայերից
թեգերը:
դեսպանատուն, բանջարեղեն, միրգ, Ռուսաստան, հայ, Հայաստան

Գլխավոր թեմաներ