ԵՐԵՎԱՆ, 21 հուլիսի - Sputnik. Ռուսաստանի մայրաքաղաք Մոսկվայեւմ հայ նորապսակներ Գոռ Հովհաննիսյանին ու նրա կնոջը, հյուրերով հանդերձ, ոստիկանության բաժանմունք են տարել․ նրանք այնտեղ են անցկացրել գիշերը։ Մոսկվայի օղակաձև ավտոմոբիլային ճանապարհի վրա լեզգինկա պարելու համար նորաթուխ փեսային 20 հազար ռուբլի տուգանք է նշանակվել։ «Փոքր խուլիգանություն» հոդվածով արձանագրություններ են կազմվել։
Մեգանը և Հարրին հրավիրված չէին. արքայադուստր Բեատրիսը գաղտնի ամուսնացել է. լուսանկարներ
Նախօրեին սպիտակ Rolls-Royce փակել է ճանապարհային երթևեկության երկու գծերը Մոսկվայի օղակաձև ավտոմոբիլային ճանապարհի վրա։ Հարսանեկան շարասյան մասնակիցները դուրս են եկել մեքենայից ու որոշել են պարել։ Պետական ավտոտեսչությունը սկսել է ստուգել տեսանյութը, որում քաղաքացիները խախտում են հանրային կարգուկանոնը։
Համացանցում հայտնված կադրերում երևում է՝ ինչպես են կոստյումներով տղամարդիկ ու երեկոյան զգեստներով կանայք պարում հենց ճանապարհի մեջտեղում, ինչը խանգարում է մնացած մեքենաների երթևեկությանը։
🥳 💃 🕺 Праздник, но далеко не для всех.
— Москва 24 (@infomoscow24) July 20, 2020
🚗 🚙 🚗 Ребята, явно собиравшиеся что-то отмечать, остановили машины на МКАД и устроили дискотеку. Другие водители танцы не оценили. Из-за спонтанного праздника движение на кольцевой было затруднено.
16+ pic.twitter.com/EhBGqaPNzq
Lifeshot-ին տված հարցազրույցում Գոռն ասել է, որ ոչ մի վարչական իրավախախտում չի արել ու ամբողջ ընթացքում մեքենայի մեջ է գտնվել։ Թե ով ու որտեղ է պարել, նա չի կարող ասել, քանի որ զբաղված է եղել վերջին նախահարսանեկան պատրաստություններով ու «հեռախոսի մեջ» է եղել։
Գոռն ասում է, որ ինքն ու կինը հավերժ կհիշեն այդ «ամուսնական գիշերը»։
Հարությունով ազգանունով հյուրերից մեկն ասել է, որ երիտասարդ կինը, որն ամբողջ գիշեր հարսանեկան զգեստով ոստիկանության բաժանմունքում է անցկացրել լեզգինկայի պատճառով, տեսանյութի նկարահանման պահին իր տանն է եղել։ Շարասյունն ուղևորվել էր հարսին տնից վերցնելու։
Ոստիկանությունը բերման է ենթարկել նորապսակներին պսակադրության արարողությունից հետո։ Նրանք այնտեղ են անցկացրել ողջ գիշերը։
Ընդհանուր առմամբ մոտ երկու հարյուր մարդ է հրավիրված եղել։
«Բախտավոր տղա, շնորհավորում եմ». Քարդաշյանն ամուսնու հետ կրքոտ լուսանկարներ է հրապարակել
