ԵՐԵՎԱՆ, 22 հուլիսի — Sputnik. ՌԴ ԱԳՆ պաշտոնական ներկայացուցիչ Մարիա Զախարովան ԱՄՆ-ի պատկան մարմիններին կոչ է արել ԶԼՄ–ների ներկայացուցիչների հանդեպ պատշաճ, միջազգային պարտավորվածություններին համապատասխան վերաբերմունք ապահովել։ Տեղեկությունը հայտնում է ՌԻԱ Նովոստին։
Ավելի վաղ հայտնի էր դարձել, որ ամերիկյան ոստիկանները հարձակվել են ռուսաստանցի լրագրողների վրա, որոնք լուսաբանել են Պորտլենդում (Օրեգոն նահանգ) անցկացվող բողոքի ակցիաները։
Զախարովան ասել է, որ ոստիկանության կողմից հարձակման է ենթարկվել «Առաջին ալիքի» նկարահանող խումբը։
ՌԴ ԱԳՆ պաշտոնական ներկայացուցիչը նշել է, որ ԶԼՄ-ների ներկայացուցիչների նկատմամբ ամերիկյան ուժային կառույցների ներկայացուցիչների միտումնավոր ագրեսիվ գործողություններն անթույլատրելի են։
«Այս իրավիճակի պատճառով ստիպված ենք նորից դիմել միջազգային կազմակերպություններին, որոնք կոչված են պաշտպանելու լրագրողների իրավունքներն ու ազատությունը», - ասել է Զախարովան։
Մարգարիտա Սիմոնյանը հայտնել է, որ Եմենում RT-ի լրագրողի հասցեին սպառնալիքներ են հնչել
Հիշեցնենք` սա առաջին դեպքը չէ, որ լրագրողները տուժում են ամերիկյան ոստիկանների գործողություններից։ Մայիսի 31-ին Մինեապոլիսում ոստիկանները հարձակվել էին ՌԻԱ Նովոստիի թղթակից Միխայիլ Տուրգենևի վրա և արցունքաբեր գազ կիրառել, երբ նա ցույց էր տվել լրատվամիջոցի ներկայացուցիչ լինելու փաստը հավաստող փաստաթուղթը։ Իսկ հունիսի 2-ին հայտնի էր դարձել, որ Վաշինգտոնում ամերիկյան ոստիկանական ուժերը միտումնավոր կերպով ռետինե փամփուշտներով կրակել են Sputnik-ի պրոդյուսեր Նիկոլ Ռուսելի վրա, որը լուսաբանել էր Սպիտակ տան մոտ անցկացվող բողոքի ակցիան։
Ռուսաստանը չէ․ ով է ամերիկացիների «գլուխների» իրական որսորդը
