ԵՐԵՎԱՆ, 25 հուլիսի - Sputnik. Ռուսաստանի հայերի միության աջակցությամբ ազատ են արձակվել 7 հայեր, որոնք ավելի վաղ ձերբակալվել էին մոսկովյան անկարգությունների և ադրբեջանցիների հետ բախումների ժամանակ:
«Երեկ երեկոյան Լյուբերցիում ձերբակալված 7 հայերը, որոնք դիմել էին ՌՀՄ թեժ գծին, առավոտյան ազատ են արձակվել», - ասված է կազմակերպության հաղորդագրության մեջ:
Ռուսաստանի հայերի միությունը հայրենակիցներին կոչ է անում չարձագանքել սադրանքներին, այդ թվում՝ նորահայտ «հասարակական գործիչների» սադրիչ ելույթներին, որոնք օգտագործում են ադրբեջանցիների կազմակերպված խմբերի հարձակման ենթարկված հայերի հուզական վիճակը։
«Այդ վայ-գործիչները ոչինչ չեն որոշում նույնիսկ իրենց ընտանիքի շրջանակում, բայց հանուն ֆեյսբուքյան «լայքերի» անպատասխանատու կոչեր են հրապարակում և հանդես գալիս իրենց ժողովրդին ու երկիրը խայտառակող ուղիղ եթերներով` այս օրերին ավելի տակնուվրա անելով հասարակությանը։ Զգոնություն։ Հանգստություն։ Եվ կապ ենք պահպանում միմյանց հետ», - նշված է ՌՀՄ հայտարարության մեջ։
Պետք չէ քաղաքականացնել առևտուրը. հայ գործարարը ստեղծված իրավիճակից ելքեր է առաջարկում
Հիշեցնենք, որ հուլիսի 24-ի գիշերը Մոսկվայում ադրբեջանցիները սկսել են խմբերով հարձակվել հայերի վրա։ Տեսանյութերից մեկում մի խումբ ադրբեջանցիներ ծեծում էին հայկական համարանիշով մեքենայում գտնվող տղամարդուն, մյուսում` ոտքերով հարվածում տարեց տղամարդուն ու հարցնում` ո՞ւմն է Ղարաբաղը։
Իրավիճակն ինչ–որ առումով պայթյունավտանգ է. Տողանյանը թախանձագին խնդրանքով դիմել է հայերին
Տեղեկություն կա, որ հայերից մեկն էլ դանակահարվել է։
«Ադրբեջանցիների միությունն» իր հերթին հայտարարել է, որ հայերը հարձակվել են Մոսկվայի «1001 գիշեր» ռեստորանի վրա, ծեծել են մի մրգավաճառի։