ԵՐԵՎԱՆ, 27 հուլիսի – Sputnik. Հայտնի երգչուհի Վալերիայի 21-ամյա որդին՝ Արսենի Շուլգինը, որոշել է անել իր կյանքի ամենակարևոր և պատասխանատու քայլը:
Նա առաջարկ է արել սիրելիին՝ Լիանա Վոլկովային, ընդ որում, շատ կրեատիվ է կերպով։ Նա «Մերկուրի» աշտարակի էկրանին լուսավորվել է հետևյալ գրությունը. «Լիանա, կամուսնանա՞ս ինձ հետ»:
Աղջիկը տեսել է վազող տողը «Մոսկվա սիթի» առևտրի կենտրոնի ռեստորաններից մեկում նստած ժամանակ:
Բացի այդ Արսենին նրան ադամանդով շքեղ մատանի է մատուցել: Լիանան երջանիկ էր:
«Նա ասաց՝ «Այո»», - Instagram-ի երկու հոլովակին կից գրել է երիտասարդը:
Բաժանորդները նրանց շնորհավորական խոսքեր ու բարեմաղթանքներ են հղել: Շատերն էլ գնահատել են Շուլգինի մոտեցումը. «Որքան հուզիչ է: Սեր ու անսահման երջանկություն ձեզ», «Անընդհատ արտասվում եմ», «Ինչ լավն եք»:
Երգչուհի Վալերիան, մեկնաբանելով որդու սպասվող ամուսնությունը, նշել է, որ շատ ուրախ է զույգի համար:
«Այսօր հերթական անգամ ուրախության զգացում եմ ունեցել որդուս համար: Ես երջանիկ մայր եմ: Սիրելի Արսենի և Լիանա, որքան ուրախ եմ ձեզ համար», - գրել է Վալերիան Instagram-ում:
Արսենին և Լիանան հանդիպում են շուրջ մեկ տարի: Ավելի վաղ երիտասարդը երկարատև հարաբերություններ ուներ մոդել Աննա Շերիդանի հետ: Սակայն 2019 թվականին զույգը որոշեց բաժանվել, իսկ մինչ այդ նրանք մեկ բաժանվում, մեկ միանում էին:
Վերջնական բաժանվելուց հետո Շուլգինը հարաբերություններ կառուցեց Լիանայի հետ:
«Եթե ամուսնության առաջարկ անի, կհամաձայնեմ». Լոլիտան պատմել է նոր հարաբերությունների մասին
Դեկտեմբերին նրանք Մոսկվա-Սանկտ Պետերբուրգ մայրուղու վրա սարսափելի ճանապարհային պատահարի մեջ ընկան: Արսենին հյուսիսային մայրաքաղաք էր շտապում՝ մորը սիրելիի հետ ծանոթացնելու համար: Պատահարի հետևանքով Արսենին և Լիանան հայտնվեցին հիվանդանոցում, նրանք բազմաթիվ վնասվածքներ ունեին:
Հիշեցնենք, որ Արսենին Վալերիայի երկրորդ ամուսնության պտուղն է, նա պրոդյուսեր և գործարար Ալեքսանդր Շուլգինի որդին է:
