17:31 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Ռուսաստան
Ստանալ կարճ հղումը
Հայերի և ադրբեջանցիների միջև բախումներ (56)
186910

Հայերի և ադրբեջանցիների բախումները Ռուսաստանում իրենց հետքն են թողել։ Հայկական ծագումով ռուսաստանցի միլիարդատերը պատրաստ է փոխհատուցել երկու համայնքների տուժած ներկայացուցիչների կրած վնասը։

ԵՐԵՎԱՆ, 5 օգոստոսի – Sputnik. Ադրբեջանական բիզնեսը չի ցանկանում փոխհատուցել Մոսկվայում և Մոսկովյան շրջանում բախումների ժամանակ հայերին հասցված վնասը։ Այդ մասին հայտարարել է ՌԵՍՈ ապահովագրական խմբի համասեփականատեր, միլիարդատեր Սերգեյ Սարկիսովը, փոխանցում է РБК-ն։

Սարկիսովը հիշեցրել է, որ ավելի վաղ իր ընտանիքը հայտարարել էր Մոսկվայում հայերի կողմից ադրբեջանցի գործարարների ունեցվածքին հասցրած վնասը փոխհատուցելու պատրաստակամության մասին։

«Այդ առաջարկը մնում է ուժի մեջ, և մենք դրանից չենք հրաժարվելու։ Միաժամանակ ստիպված եմ ափսոսանքով արձանագրել Մոսկվայի ադրբեջանական գործարար համայնքի կարկառուն ներկայացուցիչների կողմից ընդառաջ քայլերի բացակայությունը»,-ընդգծել է գործարարը։

Այդ կապակցությամբ նա հայտնել է, որ իր ընտանիքը պատրաստ է փոխհատուցել նաև Մոսկվայի հայ գործարարներին։

Ավելի քաղաքակիրթ․ ինչպե՞ս են հայ արտահանողները Ռուսաստանում լուծում «ադրբեջանական խնդիրը»

«Չկիսելով այն կարծիքը, թե հայերն ու ադրբեջանցիները հավասար պատասխանատվության բաժին ունեն Մոսկվայի իրադարձություններում, գտնում եմ, որ նրանք հավասար են իրենց ունեցվածքն ու մասնավոր սեփականությունը պաշտպանելու իրավունքի հարցում»,-նշել է միլիարդատերը։

Նա հույս է հայտնել, որ այս նախաձեռնությունը վերջապես կընկալվի սթափ մտածողությամբ մարդկանց կողմից՝ անկախ նրանց ազգությունից, սոցիալական կարգավիճակից և քաղաքական հայացքներից։

Նշենք, որ հուլիսին հայ-ադրբեջանական սահմանին տեղի ունեցած բախումներից հետո Մոսկվայի «Ֆուդ սիթի» մանրամեծածախ խոշոր շուկան հրաժարվել էր ընդունել հայկական մրգերով բեռնատարները։ Մի քանի օր անց հայկական ապրանքները հրաժարվեց ընդունել «Твой дом» առևտրային ցանցը։

Դրանից հետո Մոսկվայում արձանագրվել է ադրբեջանցիների մի քանի հարձակում հայերի և հայկական համարանիշներով ավտոմեքենաների վրա, ինչը պատասխան արձագանք է գտել տեղի հայերի կողմից:

Աբրահամյանը հայ համայնքի հետ քննարկել է Մոսկվայում ադրբեջանցիների հետ ընդհարումների հարցը

Երկու համայանքների ներկայացուցիչների միջև բախումների հետևանքով ձերբակալվել է 15 մարդ։ Հայտնի է 10 մարդու արտաքսման հավանականության մասին, նրանց մեջ կան թե՛ հայեր, թե՛ ադրբեջանցիներ։

թեմա:
Հայերի և ադրբեջանցիների միջև բախումներ (56)

Ըստ թեմայի

Ադրբեջանցիների հարձակումից տուժած հայերը դիմել են կոչով. տեսանյութ
Մոսկվայի դատարանը կալանավորել է հայերի հետ ծեծկռտուքին մասնակցած 4-րդ ադրբեջանցուն
Մոսկվայում հայերի և ադրբեջանցիների զանգվածային ծեծկռտուքի 10 մասնակցի են կալանավորել
Նիկիտա Սիմոնյանը խաղաղության կոչ է արել հայերին և ադրբեջանցիներին. տեսանյութ
թեգերը:
բախումներ, Սահման, հայ-ադրբեջանական, ադրբեջանցի, Ադրբեջան, հայեր, Սերգեյ Սարկիսով

Գլխավոր թեմաներ