00:00 19 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Ռուսաստան
Ստանալ կարճ հղումը
Կորոնավիրուսը աշխարհում (894)
113 0 0

Ռուսաստանցի մասնագետները համոզված են, որ պատվաստանյութը նոր վիրուսի նկատմամբ կայուն դիմադրողականություն է ձևավորում։

ԵՐԵՎԱՆ, 27 օգոստոսի – Sputnik. Ռուսաստանի նախագահ Վլադիմիր Պուտինը «Ռոսիա 24» հեռուստաալիքին տված հարցազրույցում ասել է, որ կորոնավիրուսի դեմ ռուսական պատվաստանյութի արդյունավետությունը լիովին ապացուցված է։

Նա նշել է, որ Ռուսաստանի ութ շրջանների բնակչության ավելի քան 25 տոկոսի մոտ վիրուսի հանդեպ դիմադրողականություն է ձևավորվել:

Ռուսական «Սպուտնիկ-V» պատվաստանյութն աշխարհում առաջին պաշտոնապես գրանցված դեղամիջոցն է կորոնավիրուսի դեմ։

Պուտինի խոսքով՝ դեղամիջոցի գրանցումը միանգամայն հիմնավորված է եղել, քանի որ այն անցել էր նախակլինիկական և կլինիկական փորձարկումները:

Հայտնի է առաջին երկիրը, որը պատրաստ է ձեռք բերել կորոնավիրուսի դեմ ռուսական պատվաստանյութը

«Մենք նախակլինիկական և կլինիկական փորձարկումներ անցկացրինք կենդանիների ու կամավորների վրա։ Եվ այսօր մեր մասնագետների համար միանգամայն ակնհայտ է, որ այդ պատվաստանյութը կայուն դիմադրողականություն է ձևավորում»,-ասել է նա։

Նախագահի դուստրերից մեկը փորձարկել է պատվաստանյութը և արդեն իրեն լավ է զգում։ Սկզբում նա բարձր ջերմություն է ունեցել, բայց դա եղել է դեղամիջոցի սպասվող կողմնակի ազդեցությունների շրջանակում։

«Նա մեծ թվով մարդկանց հետ է շփվում և նորմալ աշխատելու համար պետք է, որ իրեն պաշտպանված զգա»,-պարզաբանել է Պուտինը։

Ռուսաստանում մշակման փուլում է ևս մեկ պատվաստանյութ, որը պետք է պատրաստ լինի սեպտեմբերին։

«Համոզված եմ, որ մասնագետները հրաշալի դեղամիջոց կստանան, որը կօգնի մարդկանց»,-ասել է ՌԴ նախագահը։

Անգամ նոր վարակակիրների ի հայտ գալու դեպքում երկրում բավականաչափ մահճակալներ ու բավականաչափ դեղեր կան բոլոր հիվանդներին ապահովելու համար։

«Մեր մասնագետներն արդեն հասկանում են, թե ինչ և ինչպես պետք է անեն, որ հիվանդությունը հնարավորինս մեղմ ընթանա՝ առանց լուրջ հետևանքների։ Ձեռք բերված գիտելիքների այս ամբողջ հավաքածուն մենք անկասկած հետագայում կօգտագործենք»,-եզրափակել է Պուտինը։

Հիշեցնենք, որ «Սպուտնիկ-V» պատվաստանյութը մշակել է ՌԴ ԱՆ Գամալեայի անվան համաճարակաբանության և միկրոկենսաբանության գիտահետազոտական կենտրոնը։

Թրամփին պատմել են ռուսական պատվաստանյութի մասին

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում:

Համաշխարհային վիճակագրությունների Worldometer կայքի տվյալներով՝ օգոստոսի 27-ի դրությամբ աշխարհում կորոնավիրուսով վարակվելու հաստատված դեպքերի թիվը հասել է 24,3 միլիոնի։ Համավարակի զոհ է դարձել ավելի քան 830 հազար մարդ։

Մրցավազքը 6 երկիր է գլխավորում. հայ պրոֆեսորը` կորոնավիրուսի դեմ պատվաստանյութերի մասին

թեմա:
Կորոնավիրուսը աշխարհում (894)

Ըստ թեմայի

Հայտնի են կորոնավիրուսի դեմ չինական պատվաստանյութի փորձարկման արդյունքները
ԱՀԿ-ն կստուգի ու կգնահատի ռուսական պատվաստանյութը
Ումի՞ց են կախված «անկախ փորձագետները». բժիշկը խոսել է ռուսական նոր պատվաստանյութի մասին
թեգերը:
պատվաստանյութ, Վլադիմիր Պուտին, Ռուսաստան

Գլխավոր թեմաներ