ԵՐԵՎԱՆ, 1 սեպտեմբերի – Sputnik. Հայաստանն ու Ադրբեջանը շահագրգռված են, որ Լեռնային Ղարաբաղի հակամարտության հետ կապված իրավիճակը կարգավորվի։ Այս մասին հայտարարել է ՌԴ ԱԳ նախարար Սերգեյ Լավրովը՝ Մոսկվայի Միջազգային հարաբերությունների պետական ինստիտուտի ուսանողների և դասախոսների առջև ելույթի ընթացքում։
Նա տեղեկացրել է, որ նախօրեին շփվել է Հայաստանի և Ադրբեջանի արտգործնախարարներ Զոհրաբ Մնացականյանի և Ջեյհուն Բայրամովի հետ ։
«Մենք տպավորություն ունենք, որ երկու կողմերն էլ շահագրգռված են իրավիճակի հանդարտեցման հարցում, որպեսզի վերսկսվեն հանդիպումները, որոնք համանախագահների(ԵԱՀԿ Մինսկի խմբի) ներկայացուցիչները կազմակերպում են տարածաշրջանում»,-ասել է նա։
Հիշեցնենք՝ հայ-ադրբեջանական սահմանին իրավիճակը սրվեց հուլիսի 12-ին տեղի ունեցած բախումներից հետո, որոնք շարունակվեցին քանի օր:
