ԵՐԵՎԱՆ, 7 սեպտեմբերի – Sputnik. 3 մեծահասակից և 8 երեխայից բաղկացած խումբը կորել է Սոչիի լեռներում։ Տեղեկությունը հայտնում են ռուսական ԶԼՄ–ները, հղում անելով երկրի ԱԻՆ–ին։
Նշվում է, որ սեպտեմբերի 6-ին, ժամը 23.25–ին ԱԻՆ ահազանգ է ստացվել, որ 11 հոգանոց խումբը գտնվում է Սոչիում և հարազատների հետ կապի դուրս չի գալիս։
Պարզվել է, որ 11 հոգանոց չգրանցված խումբը, այդ թվում 9-16 տարեկան 8 երեխա, սեպտեմբերի 6-ի առավոտյան դուրս է եկել Էստո–Սադոկ գյուղից լեռնանտառային տեղանք` Ռոզա Խուտորի հարավային լանջին գտնվող Ռոզա Պիկ դիտակետի լճի մոտ (2320 մետր բարձրություն) և չի վերադարձել։
Որոնողափրկարարական աշխատանքներ են ընթանում։
Դսեղում զբոսաշրջիկներից մեկը կորցրել է ճանապարհը. որտե՞ղ են հայտնաբերել կնոջը
Սեպտեմբերի 7-ի ժամը 01:27–ի դրությամբ գծանշված երթուղիների և Ռոզա Խուտոր լեռնադահուկային զբոսավայրի լճերի ափերին իրականացրած որոնումները արդյունք չեն տվել։ Սոչիում որոնողափրկարարական աշխատանքների համար ժամը 02:05–ին օպերատիվ շտաբ է ստեղվել։ Նախատեսվում է աշխատանքներին ներգրավել նաև շներ ու ձիեր` դժվարամատչելի տեղանքներում որոնումներ իրականացնելու համար։
Որոնողափրկարարական աշխատանքներում ընդհանուր առմամբ 64 մարդ և 12 միավոր տեխնիկա է ներգրավված։
Հայաստանում կայանալիք «Սթարմուս» փառատոնը զբոսաշրջության համար խթան կարող է հանդիսանալ
