ԵՐԵՎԱՆ, 24 սեպտեմբերի - Sputnik. Ռուսաստանցի գրող Սերգեյ Կոմկովը հայտ է ուղարկել Նոբելյան կոմիտե՝ Ռուսաստանի նախագահ Վլադիմիր Պուտինին Օսլոյում 2021 թվականին խաղաղության Նոբելյան մրցանակի անվանակարգելու համար։ Տեղեկությունը հայտնում է ՌԻԱ Նովոստին։
ՌԴ նախագահի մամուլի քարտուղար Դմիտրի Պեսկովը լրագրողների հետ զրույցում մեկնաբանել է Պուտինի՝ խաղաղության Նոբելյան մրցանակի առաջադրվելն ու ասել` եթե նման որոշում կայացնեն, հիանալի է, եթե ոչ՝ ոչ մի սարսափելի բան չի պատահի։
«Գիտեք, որ շատ տարբեր մարդիկ են առաջադրվում այդ մրցանակի համար, ու դա այդ առաջարկության հեղինակների նախաձեռնությունն է։ Այս դեպքում խոսքը Ձեր հիշատակած գրողի մասին է», - ասել է Պեսկովը։
Առաջին անգամը չէ, որ Պուտինը հայտնվում է այդ մրցանակի անվանակարգում։ 2013 թվականին հոգևոր միասնականության ու աշխարհի ժողովուրդների համագործակցության միջազգային ակադեմիան հայտարարեց նրան առաջադրելու մասին։ Ակադեմիայի նախագահ Գեորգի Տրապեզնիկովը նշեց, որ Պուտինը կարևոր խաղաղապահ դերակատարություն է ունեցել աշխարհի տարբեր շրջաններում, հատկապես՝ Բեսլանում ու Հարավային Օսիայում։
2016 թվականին Վլադիմիր Պուտինը կրկին առաջադրվեց խաղաղության Նոբելյան մրցանակի։ Նրա թեկնածությունն առաջարկեց ֆրանսիական «Քաղաքական ու միջազգային հարաբերությունների կենտրոնի» ղեկավար Աֆաբյեն Բոսարը։ Նա շեշտեց, որ Պուտինը միակն է, «ով իսկապես պայքարում է ահաբեկչության դեմ»։
Ձեր Նոբելյան մրցանակը կախված է մի երկրում կայացած ընտրությունների արդյունքներից
Սեպտեմբերի 24-ին հայտնի է դարձել, որ Նոբելյան հիմնադրամի տնօրենների խորհուրդը որոշել է 2020 թվականին յուրաքանչյուր անվանակարգում ավելացնել մրցանակը մեկական միլիոն կրոնով։ Այժմ արդեն այն կկազմի տասը միլիոն շվեդական կրոն (մոտ $1,1)։
