19:33 19 հոկտեմբերի 2020
Ուղիղ եթեր
  • USD492.40
  • GBP640.27
  • EUR578.91
  • RUB6.34
Ռուսաստան
Ստանալ կարճ հղումը
Ադրբեջանական ագրեսիան Արցախում - 2020 (1350)
201 0 0

Լեռնային Ղարաբաղում տիրող իրավիճակը կքննարկվի Մոսկվայում Հայաստանի և Ռուսաստանի արտգործնախարարների հանդիպման ժամանակ:

ԵՐԵՎԱՆ, 8 հոկտեմբերի - Sputnik. ՌԴ ԱԳՆ պաշտոնական ներկայացուցիչ Մարիա Զախարովան այսօր ճեպազրույցի ժամանակ ասաց, որ Մոսկվան ջանքեր է գործադրում Ղարաբաղում կրակն անհապաղ դադարեցնելու համար:

«Ռուսաստանը և՛ ազգային տիրույթում, և՛ ԵԱՀԿ Մինսկի խմբի շրջանակում հետևողական ջանքեր է գործադրում, որպեսզի անհապաղ հրադադար հաստատվի և պայմաններ ստեղծվեն բանակցային գործընթացի վերսկսման համար», - նշեց Զախարովան:

Նրա խոսքով` հոկտեմբերի 11-13-ը Մոսկվա կայցելի ՀՀ արտգործնախարար Զոհրաբ Մնացականյանը։ Այցի ընթացքում բանակցություններ կընթանան ՌԴ արտգործնախարար Սերգեյ Լավրովի հետ։ Ուշադրության կենտրոնում կլինի Լեռնային Ղարաբաղի հակամարտության գոտում տիրող իրավիճակը։

Կողմերը կքննարկեն երկկողմ համագործակցության հարցերի լայն շրջանակ։ Մոսկվայում հուսով են, որ Մնացականյանի այցը նոր լիցք կհաղորդի ռուս-հայկական փոխգործակցությանը և կնպաստի Անդրկովկասում կայունության և անվտանգության ամրապնդմանը:

Հիշեցնենք, որ հուլիսի 12–ից իրավիճակը սրվել էր հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր էին արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել էին իրենց դիրքեր:

Դրանից հետո հակառակորդը պարբերաբար վերսկսում էր գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

ՀԱՊԿ-ում կարծում են` Ղարաբաղյան հակամարտությունը չի տեղափոխվի Հայաստանի տարածք

 

թեմա:
Ադրբեջանական ագրեսիան Արցախում - 2020 (1350)

Ըստ թեմայի

Հայ հրամանատարների հղացումն աշխատել է․ ադրբեջանական կորպուսը կրում է ջախջախիչ հարվածներ
Ադրբեջանն իր զինծառայողներին «մսաղաց է ուղարկել». Հայաստանի ՊՆ-ի նոր տեսանյութը
Ադրբեջանը նոր գրոհներ է ձեռնարկել. խոցվել է թշնամական 9 միավոր զրահատեխնիկա
Ժնևը դատապարտում է Ադրբեջանին ու պահանջում սառեցնել Ալիևների կլանի ունեցվածքը
թեգերը:
Լեռնային Ղարաբաղ, Մարիա Զախարովա, Ռուսաստան

Գլխավոր թեմաներ