19:22 17 մայիսի 2021
Ուղիղ եթեր
  • USD521.91
  • GBP736.10
  • EUR634.43
  • RUB7.06
Ռուսաստան
Ստանալ կարճ հղումը
Ադրբեջանական ագրեսիան Արցախում - 2020 (2226)
685 0 0

Ռուսաստանի արտաքին հետախուզության ղեկավար Սերգեյ Նարիշկինը նշել է, որ ռուսական հատուկ ծառայությունները նկատում են թուրքական հետախուզական ծառայությունների աշխատանքը, ինչպես նաև այդ աշխատանքի առանձին տարրերը Ղարաբաղյան հակամարտության գոտում։

ԵՐԵՎԱՆ, 6 նոյեմբերի — Sputnik. Ռուսաստանի արտաքին հետախուզության ծառայությունը տարբեր աղբյուրներից տվյալներ է ստացել այն մասին, որ Ղարաբաղյան հակամարտությանը գրոհային ահաբեկիչներ են մասնակցում, այդ թվում՝ Մերձավոր Արևելքից, նախևառաջ` Սիրիիայից։ Տեղեկությունը «Ռոսիա սեգոդնյա» ՄՏԳ գլխավոր տնօրենին տված հարցազրույցում հայտնել է ՌԴ Արտաքին հետախուզության ղեկավար Սերգեյ Նարիշկինը։

Մեկնաբանելով հայկական կողմի հրապարակած տեսանյութը Արցախում գերեվարված սիրիացի վարձկանի մասին՝ Նարիշկինը նշել է, որ Ռուսաստանը մի շարք երկրներից տեղեկություն է ստանում, որ Հարավայի Կովկաս գրոհայիններ են տեղափոխվում։

«Մենք ստանում ենք այդ տվյալները մի շարք երկրներից, տարբեր աղբյուրներից ու մեր գործընկերներից, Մերձավոր Արևելքում, Միջին Արևելքում մեր գործընկեր ծառայություններից», - պարզաբանել է Նարիշկինը։

Պատասխանելով հարցին՝ արդյո՞ք Ռուսաստանի արտաքին հետախուզության ծառայությունը համագործակցում է Հայաստանի ու Ադրբեջանի հատուկ ծառայությունների հետ, Նարիշկինը նշել է, որ նրանց հետ փոխներգործության մեխանիզմներ կան։

«ԱՊՀ տարածքի բոլոր երկրների հատուկ ծառայությունների ու հետախուզական ծառայությունների, այդ թվում Ադրբեջանի արտաքին հետախուզության ծառայության ու Հայաստանի Ազգային անվտանգության ծառայության ստորաբաժանման հետ համագործակցության հստակ մեխանիզմ կա», - ասել է նա։

Կիսելյովը հարցրել է նաև Ղարաբաղի հարցով Բրիտանիայի ու Թուրքիայի հատուկ ծառայությունների համագործակցության մասին, թե ինչպես են դրանք համակարգում իրենց գործողությունները։

«Մենք զգում ենք թուրքական հետախուզական ծառայության աշխատանքը, տեսնում ենք այդ աշխատանքի առանձին տարրերը։ Ինչ վերաբերում է բրիտանական հետախուզությանը, ապա բրիտանացիների մասին չեմ կարող նման բան ասել», - նշել է Նարիշկինը։

Արցախի դեմ սանձազերծած պատերազմի առաջին իսկ օրերից հայտնի դարձավ, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Այս տեղեկությունները հաստատել էր նաև ՌԴ Արտաքին հետախուզական ծառայության պետ Սերգեյ Նարիշկինը:

ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։

Ձերբակալվել է Արցախի դեմ կռվող ահաբեկչական խմբավորման անդամներից մեկը

Հայտնի է, որ սիրիացի ահաբեկիչներին 1,5-2 հազար դոլար են խոստանում ռազմական գործողություններին 1 ամիս մասնակցելու համար։ Այս տեղեկությունը հաստատել են ոչ միայն հայաստանյան և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։

Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը

Նշենք, որ հայկական կողմին արդեն հաջողվել է գերեվարել 2 սիրիացի վարձկան–ահաբեկչի։ Նրանցից առաջինին` Մեհրեդ Մուհամմադ Ալշխերին, բռնել են հոկտեմբերի 30–ին, իսկ երկրորդին` Յուսեֆ Էլ Աբեդ Էլ Հաջիին, հայ զինծառայողները գերեվարել են նոյեմբերի 1–ին։ Նրանք արդեն ցուցմունք են տվել և պատմել իրենց հավաքագրելու պայմանների մասին։

թեմա:
Ադրբեջանական ագրեսիան Արցախում - 2020 (2226)

Ըստ թեմայի

Ղարաբաղյան հակամարտությունը ռազմական լուծում չունի. Նարիշկին
Նարիշկինի հայտարարությունից հետո Ալիևը փոխել է անզիջում տոնայնությունը
«Վարդանյան, Աբել, Կոզլով»․ Նարիշկինը պատմել է ռուսական հետախուզության մասին
թեգերը:
Ղարաբաղյան հակամարտություն, Սերգեյ Նարիշկին, Արցախյան պատերազմ, վարձկաններ, ահաբեկիչ

Գլխավոր թեմաներ