23:52 04 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Ռուսաստան
Ստանալ կարճ հղումը
Ադրբեջանական ագրեսիան Արցախում - 2020 (2216)
652 0 0

Հայաստանի վարչապետի ու Ռուսաստանի և Ադրբեջանի նախագահները 9 կետից բաղկացած հայտարարություն են ստորագրել։

ԵՐԵՎԱՆ, 10 նոյեմբերի – Sputnik. Ռուսաստանը ելնում է նրանից, որ ձեռք բերված պայմանավորվածություններն անհրաժեշտ պայմաններ կստեղծեն Լեռնային Ղարաբաղի շուրջ ճգնաժամի երկարաժամկետ և լիարժեք կարգավորման համար` ի շահ հայ և ադրբեջանցի ժողովուրդների։ Նման հայտարարություն է արել ՌԴ նախագահ Վլադիմիր Պուտինը «Ռոսիա -24» հեռուստաալիքի եթերում։ 

«Ձեռք բերված պայմանավորվածություններն անհրաժեշտ պայմաններ կստեղծեն Լեռնային Ղարաբաղի շուրջ երկարաժամկետ և ամբողջական ձևաչափով կարգավորման համար`հանուն հայ և ադրբեջանցի ժողովուրդների շահերի», - ասել է Պուտինը:

ՌԴ նախագահը պնդում է, որ Հայաստանի ու Ադրբեջանի զինված ուժերը կանգ են առնելու այն դիրքերում, որոնք իրենց տիրապետության ներքո են։

«Ադրբեջանի Հանրապետությունը և Հայաստանի Հանրապետությունը կանգ են առնում իրենց դիրքերում ՝ Լեռնային Ղարաբաղի շփման գծի երկայնքով և Լեռնային Ղարաբաղը Հայաստանի Հանրապետության հետ կապող միջանցքի երկայնքով։ Տարածքում տեղակայվում է Ռուսաստանի Դաշնության խաղաղապահ զորախմբերը», - ասել է ՌԴ նախագահը:

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

Նա նշել է, որ Հայաստանն ու Ադրբեջանը պայմանավորվել են գերիների ու մահացածների մարմինների փոխանակման և փախստականների` Լեռնային Ղարաբաղի տարածք վերադառնալու մասին։

«Ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից շրջաններ` ՄԱԿ-ի` փախստականների հարցով գերագույն հանձնակատարի վերահսկողության տակ», - ասել է Պուտինը։

Նա հավելել է, որ Ռուսաստանի, Հայաստանի և Ադրբեջանի ղեկավարների կողմից ընդհանուր հայտարարության ստորագրմամբ Լեռնային Ղարաբաղի շուրջ բոլոր տրանսպորտային հանգույցները կբացվեն։

«Տարածաշրջանում բոլոր տրանսպորտային հաղորդակցություններն ապաշրջափակվում են: Տրանսպորտային հաղորդակցությունների նկատմամբ վերահսկողությունն իրականացվում է Ռուսաստանի սահմանային ծառայությունների կողմից », - ասել է Պուտինը։

Ավելի վաղ հայտնի էր դարձել, որ Պուտինը, Նիկոլ Փաշինյանը և Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը հայտարարեց, որ Ռուսաստանի և Ադրբեջանի նախագահների հետ հայտարարություն է ստորագրել: 

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:

«Ռուսաստանի և Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու մասին հայտարարություն եմ ստորագրել: Հայտարարության տեքստը, որ արդեն հրապարակվել է, անասելի ցավոտ է անձամբ ինձ և մեր ժողովրդի համար»,–գրել էր Փաշինյանը:

Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու մասին հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Նոյեմբերի 9-ի ժամը 10։30-ի դրությամբ` հայկական կողմից զոհվել են 1221 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ 

Ըստ վերջին տվյալների՝ Ադրբեջանի զինված ուժերը զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում

թեմա:
Ադրբեջանական ագրեսիան Արցախում - 2020 (2216)

Ըստ թեմայի

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ
Անգամ հիմա՝ այս պայմաններում, մեր արժանապատվությունը փրկելու հույս դեռ կա. Սամվել Բաբայան
Մենք հայրենիք չունենք զիջելու ո’չ թշնամուն, ո’չ դավաճաններին. Աննա Հակոբյան
թեգերը:
Ղարաբաղյան հակամարտություն, համաձայնագիր, Արցախ, Վլադիմիր Պուտին

Գլխավոր թեմաներ