09:11 30 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Ռուսաստան
Ստանալ կարճ հղումը
663 0 0

Վաղարշակ Հարությունյանն ընդունել է Ռուսաստանի պաշտպանության նախարարին։ Քննարկել են Արցախում ստեղծված իրավիճակը։

ԵՐԵՎԱՆ, 21 նոյեմբերի – Sputnik. Կարևորը Լեռնային Ղարաբաղում հրադադարի ռեժիմի անվերապահ պահպանումն է, որպեսզի բացառվեն սադրանքները։ Այս մասին հայտարարել է Ռուսաստանի Դաշնության պաշտպանության նախարար Սերգեյ Շոյգուն ՀՀ պաշտպանության նորանշանակ նախարար Վաղարշակ Հարությունյանի հետ հանդիպման ժամանակ, հայտնում է ՌԻԱ Նովոստին։

«Խնդրում եմ խիստ վերահսկողություն կազմակերպել հրադադարի ռեժիմի անվերապահ պահպանման առնչությամբ»,–ասել է Շոյգուն` դիմելով Հարությունյանին։

Վաղարշակ Հարությունյանը Շոյգուի հետ խոսել է Ղարաբաղում տեղակայված ռուս խաղաղապահների աշխատանքի արդյունավետության մասին։ ՀՀ պաշտպանության նախարարի խոսքով` խաղաղապահները տեղակայվել են արագ և արդյունավետ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

 

Ըստ թեմայի

Պատերազմից առաջ էլ դժվարին ժամանակաշրջան էր, բայց հիմա ավելի բարդ է. Փաշինյանը` Շոյգուին
ՌԴ ԱԻՆ-ի երկրորդ շարասյունն է մեկնել Ղարաբաղ. նրանք մարդասիրական բեռ են տանում
Հայաստանում է ՌԴ ԱԻ նախարարը. նա արդեն հանդիպել է նորանշանակ նախարար Փիլոյանին
թեգերը:
Սերգեյ Շոյգու, Վաղարշակ Հարությունյան, Արցախ, Ռուսաստան, Հայաստան

Գլխավոր թեմաներ