ԵՐԵՎԱՆ, 7 դեկտեմբերի - Sputnik. ՀՀ և ՌԴ արտգործնախարարների համատեղ ասուլիսի սկզբում Ռուսաստանի արտաքին գերատեսչության ղեկավար Սերգեյ Լավրովը ցավակցություն հայտնեց հայ ժողովրդին 1988 թ-ի երկրաշարժի տարելիցի օրվա կապակցությամբ։
«Մենք հիշում ենք, թե ինչքան մեծ արձագանք գտավ երկրաշարժը Խորհրդային Միությունում։ Հույս ունենք, որ մեր պատրաստվածությունը նման բնույթի տարերային աղետներին արձագանքելու և դիմակայելու հարցում ավելի մեծ է, բայց մենք հույս ունենք, որ նման դեպքեր քիչ կլինեն»,- նշեց Լավրովը։
Նա ցավով ընդգծեց, որ մարդու մասնակցությամբ աղետների թիվն ավելի մեծ է, և շեշտեց, որ այս պահին Ղարաբաղյան հակամարտությունից դուրս գալու ճանապարհին ենք։ Այս առումով նա առումով Լավրովն ընդգծեց եռակողմ հայտարարության ընդունման կարևորությունը։
Հիշեցնենք` 1988թ–ի դեկտեմբերի 7-ին Հայաստանում ավելի քան 9 բալ հզորությամբ ավերիչ երկրաշարժ գրանցվեց, որն ընդգրկեց Հանրապետության տարածքի 1/3 մասը՝ մեկ միլիոն 130 հազար բնակչությամբ։ Րոպեների ընթացքում լրիվ կամ մասնակի ավերվեցին Լենինականը(Գյումրի), Սպիտակը, Կիրովականը, Ստեփանավանը, հարյուրից ավելի ավաններ ու գյուղեր։ Ավերվեց հանրապետության ամբողջ բնակֆոնդի մոտ 17%-ը։
Երկրաշարժի զոհերի հիշատակը ոգեկոչում ենք` ևս մեկ ցավ ունենալով մեր հոգում. ՀՀ նախագահ
Երկրաշարժի գոտում շարքից դուրս եկան ջերմամատակարարման, էներգամատակարարման բոլոր համակարգերը, կապի, տրանսպորտի և կենցաղսպասարկման ծառայությունները։ Ավերվեց ավելի քան 170 արդյունաբերական ձեռնարկություն։ Ծանր վնաս կրեց գյուղատնտեսությունը, քանդվեցին անասնապահական շինությունները, ոչնչացավ անասունների մեծ մասը։ Շարքից դուրս եկավ գյուղատնտեսական մթերքներ վերամշակող 80 ձեռնարկություն:
Սպիտակի ավերիչ երկրաշարժը թվերով
Տարերային աղետը հանրապետության ժողովրդական տնտեսությանը հասցրեց ավելի քան 13 մլրդ ռուբլու վնաս։ Պաշտոնական նվազեցված տվյալներով` մահացավ ավելի քան 25 հազար մարդ։
Երկրաշարժից հետո անօթևան մնացածների համար դեռ տներ են կառուցվում. ծրագրի վերջին փուլն է
